ТОШКЕНТ, 23 янв — Sputnik. Лос Анжелесда «Оскар» мукофотига номзодлар рўйхати эълон қилинди. Бош соврин – “Энг яхши фильм” йўналишидаги мукофотни “Юлдуз туғилди” (A Star is Born) мелодрамаси, “Богема рапсодияси” (Bohemian Rhapsody) фильми, “Рома” (Roma) драмаси, “Яшил китоб" (Green Book) фильми, “Қора кланчи” (BlacKkKlansman) фильми, “Ҳокимият” (Vice) фильми, “Қора пантера” (Black Panther) жангари фильми, “Маҳбуба” (The Favourite) комедияси қўлга киритиши мумкин. Бу ҳақда Америка кино академиясининг расмий Twitter саҳифасида маълум қилинди.
“Энг яхши актёр” йўналишида “Оскар”ни олишга Рами Малек (“Богема рапсодияси”, Bohemian Rhapsody), Кристиан Бэйл (“Ҳокимият”, Vice), Брэдли Купер (“Юлдуз туғилди”, A Star Is Born), Уиллем Дефо (“Ван Гог. Абадийлик остонасида”, At Eternity"s Gate) ва Вигго Мортенсен (“Яшил китоб”, Green Book) асосий даъвогарлар сифатида кўрсатилган.
“Энг яхши актриса” йўналишида “Оскар” олишга номзодлар рўйхатида Леди Гага (“Юлдуз туғилди”, A Star is Born), Ялица Апарисио (“Рома”, Roma), Гленн Клоуз, (“Рафиқа”, The Wife), Оливия Колман (“Маҳбуба”, The Favourite) ва Мелисса Маккарти (“Мени кечира оласизми?”, Can You Ever Forgive Me) кўрсатилган.
Уятли саҳналар бизга ёт: Тожикистонда фильмлар қаттиқ назоратга олинади
Энг яхши режиссёр мукофотига номзод сифатида Адам Маккей (“Ҳокимият”, Vice), Альфонсо Куарон (“Рома”, Roma), Павел Павликовский ("Холодная война", Совуқ уруш), Йоргос Лантимос (“Маҳбуба”, The Favourite) ва Спайк Ли “Қора кланчи” (BlacKkKlansman) фильми эълон қилинган.
Номзодларнинг тўлиқ рўйхати билан қуйида танишиб чиқишингиз мумкин.
