Франк-Вальтер Штайнмайер Гёте ҳайкалини очиб берди

© УзАПрезидент Германии открыл памятник Гёте в Ташкенте
Президент Германии открыл памятник Гёте в Ташкенте - Sputnik Ўзбекистон
Oбуна бўлиш
Штайнмайер икки нафар ўзбекистонлик немис тили мутахассисини "Германияга хизмат кўрсатгани учун" ордени билан мукофотлади.

ТОШКЕНТ, 29 май – Sputnik. Германия президенти Франк-Вальтер Штайнмайер Тошкентдаги Гёте институтида Йоҳанн Вольфганг Гёте ҳайкали ва боғи очилиш маросимида иштирок этди, деб хабар қилмоқда ЎзА.

© УзАПрезидент Германии открыл памятник Гёте в Ташкенте
Франк-Вальтер Штайнмайер Гёте ҳайкалини очиб берди - Sputnik Ўзбекистон
Президент Германии открыл памятник Гёте в Ташкенте

Германия президенти Гёте институти фаолияти билан танишиб, Ўзбекистонда ушбу буюк немис мутаффаккири сиймосига кўрстилаётган эҳтиром мамлакатларимиз ўртасидаги дўстона муносабатларни янги руҳда давом эттиришга, маданий-маърифий алоқаларнинг янада мустаҳкамланишига хизмат қилишини таъкидлади.

Франк-Вальтер Штайнмайер институтда тил ўрганаётган ёшлар, маданият ва санъат намоёндалари, илмий доиралар ва кенг жамоатчилик вакиллари билан суҳбатлашди.

© УзАПрезидент Германии открыл памятник Гёте в Ташкенте
Франк-Вальтер Штайнмайер Гёте ҳайкалини очиб берди - Sputnik Ўзбекистон
Президент Германии открыл памятник Гёте в Ташкенте

Тошкентдаги Гёте институтининг асосий мақсади немис тилини ўргатиш, халқаро маданий ҳамкорликни ривожлантиришдан иборат. Ҳозирги институтнинг тил ўқитиш марказларида 4 мингдан зиёд мамлакатимиз фуқароси немис тилини ўрганмоқда.

Меҳмон икки ўзбекистонлик – Германия элчихонаси таржимони Мукаррам Каримова ва Марғилон шаҳридан немис тили ўқитувчиси Лидия Осинани “Bundesverdienstkreuz” (“Германия Федератив Республикасига хизмат кўрсатгани учун”) ордени билан мукофотлади.

© УзАПрезидент Германии открыл памятник Гёте в Ташкенте
Франк-Вальтер Штайнмайер Гёте ҳайкалини очиб берди - Sputnik Ўзбекистон
Президент Германии открыл памятник Гёте в Ташкенте

Маълумот учун, бугун Ўзбекистонда Германия академик алмашувлар хизмати, Конрад Адэнауэр ва Фридрих Эберт номидаги жамғармаларининг ваколатхоналари, Немис халқ университетлари ассоциациясининг Халқаро ҳамкорлик бўйича институти каби ГФРнинг кўплаб илмий-маърифий ташкилотлари муваффақиятли фаолият юритиб келмоқда.

Бугунги кунда Ўзбекистондаги 1842 мактабда 377 мингдан зиёд ўқувчи немис тилини ўрганмоқда. Шу билан бирга, ўзбекистонлик 700 дан ортиқ талаба, илмий тадқиқотчи Германия олий таълим муассасаларида таълим олмоқда.

Янгиликлар лентаси
0