Газ ва электр энергия назорат тизими Европа компаниялари томонидан автоматлаштирилади

© Sputnik / Максим Богодвид / Медиабанкка ўтишСчетчик газа
Счетчик газа - Sputnik Ўзбекистон
Oбуна бўлиш
Европа компаниялари республикада ўрнатилган газ ва электр энергия ҳисоблагичларини ўрганиб чиқилиб, уларни тўлиқ автоматлаштириш чораларини кўришади. Бундан ташқари, европалик шериклар билан ҳисоблагичларни ишлаб чиқаришни йўлга қўйиш режалаштирилмоқда

ТОШКЕНТ, 25 авг — Sputnik. Ўзбекистон ҳукумати электр ва газ тармоқларини автоматлаштирилган бошқарув тизимига ўтиш бўйича кенг қамровли дастурни амалга оширадиган хорижий компаниялар рўйхатини тасдиқлади, деб хабар қилди Sputnik Ўзбекистон мухбири.

Электрическая подстанция - Sputnik Ўзбекистон
Ўзбекистон Қирғизистондан арзон электр энергияси сотиб олмоқда

Яқинда газ ва электр энергияни ҳисобга олиш ва назорат қилиш автоматлаштирилган тизимларни жорий этиш бўйича таклифларни тайёрлаш бўйича тузилган Ишчи комиссия аъзолари Сингапур, Жанубий Корея, Франция ва Германия йирик корхоналарга ташриф буюришди.

Ўзбекистон мутахассислари бу соҳадаги автоматлаштирилган тизимларни жорий этиш тажрибаси билан яқиндан танишдилар.

Натижада президент фармойиши билан Ўзбекистонда газ ва электр энергиясини ҳисобга олиш ва назорат қилиш автоматлаштирилган тизимларни татбиқ этиш бўйича 3 та хорижий компания тасдиқланди. Жумладан, республикага ташриф буюриш ва музокаралар ўтказиш ҳақида таклифлар Sagemcom (Франция), Landis & Gyr (Швецария) ва Elster Metronica (Германия) компанияларга юборилди.

Иссиқлик станцияси - Sputnik Ўзбекистон
Франция компанияси Сирдарёда янги ИЭС қуради
Хорижий шерикларга биринчи навбатда республикада ўрнатилган ҳисоблагич ва тизимларни, шунингдек электр узатгич ва трансформаторларни, газни тарқатиш тизимини ва инфратузилмани ҳамкорликда батафсил ўрганиб чиқиш бўйича таклиф берилди.

Ўзбекистон ҳукумати замонавий ҳисоблагич ва жиҳозларни етказиб бериш бўйича шартномаларни тузишга тайёр.

Шунингдек, мамлакатда замонавий ҳисоблагич ва жиҳозларни ишлаб чиқариш бўйича қўшма корхоналарни очиш масаласини муҳокама қилиш режалаштирилган. Шу билан бирга, музокараларда ҳисоблагичларга тизимли хизмат кўрсатиш юзасидан икки томонлама битимларни тузиш кўзда тутилган.

Лойиҳаларни молиялаштириш нафақат давлат корхоналарининг маблағларини сарфлаш, балки халқаро молиявий институтларининг кредитларини жалб этиш ҳам режалаштирилган.

Замена старых электросчетчиков в жилых домах Владивостока - Sputnik Ўзбекистон
МИБ 9 мингдан ортиқ қарздорларни электр ва газ таъминотидан узди
Республика бутун ҳудудида газ ва электр энергияни ҳисобга олиш ва назорат қилиш автоматлаштирилган тизимини татбиқ этиш бўйича якуний президент қарори шаклидаги ҳужжат сентябр ойида тайёр бўлиши керак.

Эслатиб ўтамиз, Ўзбекистонда келгуси бир неча йиллар давомида Осиё, Бутунжаҳон ва Ислом тараққиёт банклари томонидан 6 млн ҳисоблагичлар ўрнатиш ҳамда истеъмолчилар ва ягона биллинг тизимларини яратиш режалаштирилган. Лойиҳанинг умумий қиймати 800 млн доллардан ортиқ маблағни ташкил этади.

Газни тақсимлаш тармоғида ҳам бундай тизимни яратиш ишларига 800-900 млн доллар маблағ зарур бўлади. Республикада 3 млн донадан ортиқ ҳисоблагичлар ўрганиш режалаштирилган.

Янгиликлар лентаси
0