Ўзбекистон Қирғизистондан 500 минг тоннагача картошка сотиб олишга тайёр

© Sputnik / Виталий Аньков / Медиабанкка ўтишНовый сорт картофеля.
Новый сорт картофеля. - Sputnik Ўзбекистон
Oбуна бўлиш
Чегаралар очилганидан сўнг картошка Ўзбекистонга фаол экспорт қилинмоқда

ТОШКЕНТ, 16 фев — Sputnik. Ўзбекистон Қирғизистондан 500 минг тоннагача картошка сотиб олишга тайёр, деди Қирғизистон бош вазири Сапар Исаков Жогорку Кенешнинг баҳорги экин ишларига тайёргарлик масалаларига бағишланган йиғилишида.

Депутат Зиядин Жамалдинов чегаралар очилганидан сўнг картошка Ўзбекистонга фаол экспорт қилинаётганлигини эслатиб ўтди.

"Иссиқкўл ва Норин вилоятларида ҳамда Ўш вилоятининг Олой водийсида картошкани кўпроқ етиштириш бўйича топшириқ бериш зарур. Картошка етиштириш учун қанча майдон зарур бўлишини аниқлаш керак", — деди депутат.

Сбор овощей в фермерском хозяйстве - Sputnik Ўзбекистон
Ўзбекистон учта давлат билан ҳамкорликда картошка етиштириш билан шуғулланади

Бош вазир 8-9 февраль кунлари Ўзбекистон ташқи савдо вазири Жамшид Хўжаев бошчилигидаги делегация Бишкекда бўлганлигини эслатди.

"Музокаралар ўтказилди, йилига 500 минг тоннагача картошка сотиб олишлари мумкинлигини айтишди. Бу жуда яхши. Иқтисодиёт ва Қишлоқ хўжалик вазирликлари бу борада иш олиб бормоқда", — деди Исаков.

Йиғилиш қатнашчиларининг маълум қилишларича, Қирғизистон корхоналари экологик тоза қишлоқ хўжалик маҳсулотлари (гўшт-сут, картошка, мева-сабзавот, қуритилган мева ва ловия) етказиб беришга қизиқиш билдиришмоқда. Ўтган йили мамлакатда 395 минг тонна гўшт, бир миллион тоннадан ортиқ сабзавот, 103 минг тонна ловия, 241 минг тонна резавор ва 1,4 миллион тоннадан ортиқ картошка етиштирилган.

Янгиликлар лентаси
0