Ўзбекистонда тилла тангаларни сотиш бўйича низом муҳокамага қўйилди

© Sputnik / Илья ПиталевЗаготовки для чеканки монет
Заготовки для чеканки монет  - Sputnik Ўзбекистон
Oбуна бўлиш
Марказий банк ҳар ҳафтада камида бир марта қимматбаҳо металларнинг бир грамм нархини аниқлайди ва эълон қилади.

ТОШКЕНТ, 20 июл — Sputnik. Ўзбекистон Марказий банки томонидан тайёрланган "Қимматбаҳо металлардан тайёрланган Ўзбекистон Республикаси Марказий банки тангаларини сотиш ва қайтиб сотиб олиш тартиби тўғрисида низом" лойиҳаси умумий муҳокама қўйилди.

Производство золота - Sputnik Ўзбекистон
Ўзбекистон олтин-валюта захиралари 463,1 миллион долларга камайди

Лойиҳа Ўзбекистон президентнинг 2018 йил 7 июндаги "Ўзбекистон Республикасида қимматбаҳо металлардан ўлчовли ёмбилар ишлаб чиқаришни ташкил этиш ва қимматбаҳо металлар бозори фаолиятини тартибга солиш чора-тадбирлари тўғрисида"ги қарорига мувофиқ тайёрланди.

Низом талабларига кўра, Ўзбекистон Марказий банки юбилей саналари, тарихий ва замонавий даврнинг муҳим воқеалари ҳамда жамият ҳаётидаги бошқа воқеаларга бағишланган ва таркибида қимматбаҳо металлар бўлган юбилей, шунингдек инвестицион тангаларни муомалага чиқаради.

Марказий банк тангалари Ўзбекистон Республикаси ҳудудида номинал қиймати бўйича нақд пул шаклидаги қонуний тўлов воситаси, шунингдек номинал қийматидан фарқ қилувчи нархларда коллекция, инвестиция ва тезаврация (жамғарма) объектлари сифатида муомалада бўлиши мумкин.

Марказий банк ҳар ҳафтада камида бир марта қимматбаҳо металларнинг бир грамм нархини аниқлайди ва эълон қилади.

Производство золота - Sputnik Ўзбекистон
2018 йилнинг 1 чорагида Ўзбекистон асосан олтин ва газ экспорт қилди

Мазкур нарх қимматбаҳо металларнинг бир трой унцияси учун аввалги куннинг Лондон қимматбаҳо металлар ассоциацияси(LBMA)нинг эрталабки фиксинг нархи ва сўмнинг АҚШ долларига нисбатан расмий курсидан фойдаланиб белгиланади.

Марказий банк тангаларини сотиш ва қайтиб сотиб олиш Марказий банкнинг ҳудудий Бош бошқармалари ва тижорат банклари томонидан амалга оширилади ва уларнинг жойлашган манзили ҳақида маълумотлар Марказий банкнинг расмий веб-саҳифасида эълон қилинади.

Марказий банк тангаларини сотиш ва қайтиб сотиб олишда Марказий банк ва тижорат банклари ўртасидаги муносабатлар алоҳида шартномалар асосида тартибга солинади.

Марказий банк тангалари жисмоний шахсларга нақд ва нақдсиз пул ҳисоб-китоблари асосида, шу жумладан халқаро тўлов карталари орқали амалга оширилади.

Марказий банк тангаларининг юридик шахсларга сотуви тўловни талаб қилиб олингунча депозит ҳисоб рақамидан пул ўтказиш йўли билан амалга оширилади.

Марказий банк тангаларининг сотув нархи Марказий банк томонидан ҳар ҳафтада камида бир марта миллий валютада, қимматбаҳо металлнинг бир грамм нархи ҳамда Марказий банк Бошқаруви томонидан тасдиқланадиган маржага асосан белгиланади.

Золотые слитки из коллекции Гохрана - Sputnik Ўзбекистон
Ўзбекистонда туристлар олтин ёмбиларини сотиб олиши йўлга қўйилади

Марказий банк тангаларини жисмоний ва юридик шахслардан қайтиб сотиб олиш уларни Марказий банк томонидан белгиланадиган қайтиб сотиб олиш шохобчалари орқали ва Ўзбекистон Республикаси Марказий банки ҳузуридаги Қимматбаҳо металлар агентлигининг Давлат асиллик даражасини белгилаш палатаси томонидан мажбурий равишда техник экспертиза ўтказиш йўли билан амалга оширилади. Бунда, Марказий банк тангасининг эгаси, жисмоний шахс ёки юридик шахснинг вакили ўз фуқаролик паспортини тақдим этади ва ушбу Низомга иловага мувофиқ тангани қайта сотиб олиш учун қабул қилиш далолатномаси расмийлаштирилади. Шунингдек, юридик шахснинг вакили Марказий банк тангасини тасарруф этиш учун ишончнома ҳам тақдим этади.

Марказий банк тангасини қайтиб сотиб олиш нархи танга топширилган кундаги бир грамм қимматбаҳо металл нархидан ҳамда ушбу нархга қўлланиладиган дисконтдан келиб чиқиб ҳисобланади.

Марказий банк Бошқаруви ҳар бир турдаги қимматбаҳо металл учун алоҳида дисконтни тасдиқлайди.

Проверка долларов на подлинность - Sputnik Ўзбекистон
Ўзбекистонда қачондан нақд хорижий валюта сотиб олиш мумкинлиги айтилди

Марказий банк тангаси унинг техник хусусиятларини тасдиқловчи асиллик сертификати билан бирга муомалага чиқарилади. Ҳар бир асиллик сертификати ўз серия рақамига эга бўлади.

Асиллик сертификатини алмаштиришга эҳтиёж бўлганда ёки унинг йўқотиш ҳолатларида, танга эгаси Марказий банк томонидан белгиланадиган қайтиб сотиб олиш шохобчаларига тўлов асосида янги асиллик сертификатини олиш учун мурожаат қилади.

Сертификат алмаштирилиши 30 иш куни давомида Марказий банк тангасининг Асиллик даражасини белгилаш палатасининг техник экспертизасидан ўтказилиши шарти билан амалга оширилади.

Лойиҳа 3 августга қадар муҳокама қилинади.

Янгиликлар лентаси
0