04:10 21 Октябр 2018
Эфир
  • RUB123.85
  • EUR9490.14
  • USD8208.04
Стенд компании Узбекнефтегаз на узбекско-индийском бизнес-форуме в Дели

“Ўзбекнефтгаз” Ҳиндистон компанияси билан ҳамкорликни йўлга қўйди

Пресс-служба Государственного комитета Узбекистана по инвестициям
Иқтисод
Ҳавола олиш
11010

Ўзбекистон ва Ҳиндистон вакиллари Ҳамкорлик битими ва Махфийлик шартномасини имзолаш борасида қарор қабул қилдилар.

ТОШКЕНТ, 9 окт – Sputnik. “Ўзбекнефтгаз” АЖ Ҳиндистоннинг йирик нефть-газ корпорацияси ҳисобланмиш ONGCнинг ONGC Videsh Limited шўъба компанияси билан ҳамкорлик битимини имзолади, деб хабар қилди ушбу компания матбуот хизмати.

Нью-Делида ўтказилган кўргазмада “Ўзбекнефтгаз” АЖ вакили ONGC Videsh Limited компаниясининг геологик қидирув ишлари бўйича директори Судхир Шарма билан музокаралар ўтказди.

Томонлар Ўзбекистон ва хориждаги сармоявий блокларда геологик қидирув ишларини олиб бориш борасида икки томонлама ҳамкорликни ривожлантириш истиқболларини муҳокама этдилар.

Музокаралар якунида томонлар Ҳамкорлик битими ва Махфийлик шартномасини имзолаш борасида қарор қабул қилдилар.

Мазкур ҳужжатларга кўра, 4 ой мобайнида томонлар Ўзбекистон сармоявий блоклари тўғрисида ахборот алмашиб, уни замонавий дастурий таъминот маҳсулотлари ёрдамида ўрганиб чиқадилар ва ONGC Videsh Limited компанияси тажрибаси билан батафсил танишиб, ҳамкорлик бўйича аниқ таклифларни биргаликда ишлаб чиқадилар.

Таъкидлаш жоиз, 1965 йилда ташкил этилган ONGC Videsh Limited компанияси Ҳиндистоннинг Миллий нефть ва табиий газ корпорациясига қарашли шўъба компания ва чет эл бўлими ҳисобланади. 

ONGC мамлакатнинг йирик трансмиллий компанияси бўлиб, Ҳиндистон нефть ва табиий газ вазирлиги орқали давлат томонидан назорат қилинади. У мамлакатнинг энг йирик нефть ва газ қидирув компаниясидир. Компания Ҳиндистон хом нефтининг тахминан 72 фоизини ва табиий газининг 62 фоизини ишлаб чиқаради.

2017 йил якунига кўра, компаниянинг соф даромади 2,8 миллиард долларини ташкил этган. 

ONGC Videsh Limited компанияси қатор халқаро компаниялар билан ҳамкорликда ишлаш тажрибасига эга, улар орасида Schlumberger, Halliburton, Petrobras, Norsk, ENI ва Shell.

Асосий мавзулар

  • Эксперт по управлению проектами, управляющий партнёр Osokins Consulting Роман Осокин

    Ўзбекистон-Россия биринчи минтақалараро форумда иштирок этган эксперт Роман Осокин форум ҳақидаги фикрлари ва келгусида нималарга эътибор қаратиш кераклиги хусусида ўз фикр-мулоҳазалари билан ўртоқлашди

    350
  • Хонанда Муниса Ризаева

    Аризага кўра, концерт ташкилотчиси Муниса Ризаеванинг ишончига кириб, Наманган, Фарғона ва Андижон шаҳарларида ўтказилган концерт дастуридан тушган жами 18 минг АҚШ долларига тенг гонорарни ўзлаштириб юборган

    702
  • Заправка автомобиля на одной из автозаправочных станций.

    2019 йилнинг 1 январидан бошлаб эксперимент тариқасида Тошкент шаҳрининг Юнусобод туманида аҳоли томонидан электр энергияси истеъмолининг базавий нормаси ойига бир абонент учун 300 кВт.соат қилиб белгилаш таклиф қилинмоқда.

    838