Нақд доллар қачондан сотилади? Марказий банк ахбороти

© Sputnik / Антон Денисов / Медиабанкка ўтишДеньги
Деньги - Sputnik Ўзбекистон
Oбуна бўлиш
Марказий банк вакиллари, банклардан нақд чет эл валютасини харид қилиш имконияти мавжуд эмаслигини чеклов сифатида номлаш мумкин эмаслигини қайд этишди

ТОШКЕНТ, 30 ноя - Sputnik. Банклар томонидан нақд валютани сотишни ташкил қилиш куннинг долзарб масаласи қаторидан ўрин олган, деб маълум қилинган Марказий банкда ўтказилган валютани тартибга солиш ва монетар сиёсат мавзуидаги брифингда. 

Брифинг давомида валютани тартибга солиш ва тўлов баланси Департаменти раҳбари Бобир Абубакиров "қора бозор" мавжуд бўлиши учун иқтисодий сабаблар йўқлигини айтган ва банклар жисмоний шахсларга чет эл валютасини чегараланмаган миқдорда сотишини қўшимча қилган.

Денежные купюры: доллары США - Sputnik Ўзбекистон
Ўзбекистон иқтисодга доллар таъсирини камайтирмоқда

Марказий банк вакиллари, банклардан нақд чет эл валютасини харид қилиш имконияти мавжуд эмаслигини чеклов сифатида номлаш мумкин эмаслигини қайд этишди, деб ёзади Спот нашри.

"Валютанинг конверсион карталарга сотилишини - юридик жиҳатдан чеклов тарзида қабул қилиш мумкин эмас. Қолаверса, президентнинг март ойидаги қарорига мувофиқ жисмоний шахслар харид қилинган валютани нақд ҳолда чегараланмаган миқдорда ечиб олиш имкониятини қўлга киритдилар", — деб айтган Абубакиров.

У шунингдек, банклар томонидан нақд валюта сотилиши масаласи кун тартибидан ўрин олганлигини хабар қилган. Бу масала валютани тартибга солиш тўғрисидаги қонун янги таҳрири кўздан кечирилганидан сўнг кўриб чиқилиши мумкин.

Янгиликлар лентаси
0