ТОШКЕНТ, 24 янв — Sputnik. Ўтган йилда Ўзбекистон пахта-толаси экспортини йил сайин камайтириб бормоқда, деб хабар қилди Давлат Статистика қўмитаси.
“Ўзбекистон ўтган йилда 2017 йилга нисбатан 2,4 бараварга кам экспорт қилган. 2018 йилнинг январ-декабрь ойларида республика умумий қиймати 222,1 млн доллар бўлган, 115,6 минг тонна пахта толаси экспорт қилди. 2017 йилда эса Ўзбекистон 278,9 минг тонна пахта толаси экспорт қилган эди”, - дейилган хабарда.
Ҳисоботда айтилишига кўра, пахта толаси экспорти ҳажми камайши – бу Ўзбекистон экспортида ир неча йиллик трендга айланган. Хусусан, 2015 йилда 503,8 минг тонна пахта экспорт қилинган бўлса, 2016 йилда – 416 минг тонна. Шунингдек, давлат умумий экспорти ҳажмида пахта улуши 3,8 % дан 1,6 %гача камайган.
Шу билан бир қаторда, Республикада тайёр тўқимачилик маҳсулотлари экспорти ҳажми 1,4 баравар ошиб, 1,6 миллиард долларни ташкил қилган. Бу Ўзбекистон умумий экспорт ҳажмида 11,2 %ни ташкил қилади.
Ўзбекистон тўқимачилик маҳсулотларининг асосий импортери – Россия бўлиб қолмоқда. Тайёрланган тўқимачилик маҳсулотларининг 40 % Россияга экспорт қилинмоқда ва ушбу ҳажм йил сайин ўсиб бормоқда.
