ТОШКЕНТ, 29 янв – Sputnik. “Ўзбекистон ҳаво йўллари” 2019 йилда Тбилиси, Мюнхен ва Карачи йўналишларига парвозларни йўлга қўяди, деб хабар қилмоқда компания матбуот хизмати.
Эслатиб ўтамиз, ўтган уч ойи ичида Миллий авиакомпания Мумбай, Владивосток ва Жиддага парвозларни йўлга қўйган эди.
Ундан ташқари Москва йўналишида парвозлар сони ҳафтасига 27га етказилди ва Самарқанд, Бухоро, Ургенч, Термез, Наманган ва Фарғона шаҳарларини Москва билан боғлаб турган парвозлар умумий сони 49тага етди.
Шунингдек, Сеул, Душанбе, Бишкек, Минск, Ростов-на-Дону, Астана ва Новосибирск шаҳарларига ҳам парвозлар сони оширилди. Стамбулга парвозлар сони Тошкентдан 10тага Самарқанддан 2тага етказилди.
Ундан ташқари ўтган йил давомида Ўзбекистон ҳаво йўллари 21 мингта парвозлар амалга ошириб, 3 миллион йўловчиларга хизмат кўрсатди.
