Ўзбекистон тўқимачилик маҳсулотлари экспорт ҳажмини 7 млрд. долларга етказмоқчи

© Sputnik / Дмитрий Виноградов / Медиабанкка ўтишТекстильные фабрики Uztex Chirchik и Eurotex Global в Узбекистане
Текстильные фабрики Uztex Chirchik и Eurotex Global в Узбекистане - Sputnik Ўзбекистон
Oбуна бўлиш
Ўзбекситонда 2025 йилга қадар тўқимачилик маҳсулотлари экспортини 7 млрд. долларга етказишни назарда тутувчи Концепция ишлаб чиқилади.

ТОШКЕНТ, 13 фев – Sputnik. Тўқимачилик ва тикув-трикотаж саноатининг экспорт салоҳиятини оширишга қаратилган ислоҳотларни янада чуқурлаштириш чора-тадбирлари тўғрисидаги президент қарори қабул қилинди. Бу ҳақда Адлия вазирлигининг "Ҳуқуқий ахборот" Telegram-каналида хабар қилинди.

Шавкат Мирзиёев ознакомился с деятельностью текстильного предприятия в Шаватском районе - Sputnik Ўзбекистон
Шавкат Мирзиёев Шовот туманидаги тўқимачилик корхонаси фаолияти билан танишди

Қарорга кўра, 2019 йил 1 апрелдан 2019-2021 йилларда маҳсулотининг камида 80 фоизини экспорт қиладиган тикув-трикотаж корхоналарининг кредитларини тўлаш харажатлари Тадбиркорлик фаолиятини ривожлантиришни қўллаб-қувватлаш давлат жамғармаси ҳисобидан қуйидаги тартибда қопланади:

- миллий валютада бериладиган кредитлар бўйича белгиланган фоиз ставкасининг 25 фоизи миқдорида;

- хорижий валютада бериладиган кредитлар бўйича фоиз ставкасининг 50 фоизи миқдорида;

- ноль ставкасини қўллаган ҳолда вужудга келган қўшилган қиймат солиғини қайтариш учун зарур бўлган ҳужжатлар тўлиқ тақдим этилган кундан эътиборан 7 иш куни давомида солиқ тўловчига қайтарилади;

- биржа савдолари орқали пахта толасини сотиб олишда қатъий талаб қилинадиган банк кафолатлари бекор қилинади.

- 2019 йил ҳосилидан пахтани сотиб олишда қўшилган қиймат солиғи амалдаги сотиш нархидан келиб чиқиб ҳисобланади.

Тадбиркорлик субъектларининг товар айланмасидан вужудга келган ноль ставкадаги қўшилган қиймат солиғини корхоналарга қайтариш  тўғрисида тақдим қилган аризаларини қабул қилиш бўйича автоматлаштирилган дастур ишлаб чиқилади.

2025 йилга қадар тўқимачилик маҳсулотлари экспортини 7 млрд. АҚШ долларига етказишни назарда тутувчи “2019-2025 йиллар давомида тўқимачилик ва тикув-трикотаж саноатини жадал ривожлантириш Концепцияси” ишлаб чиқилади.

Шунингдек, тўқимачилик ва тикув-трикотаж саноати корхоналарининг ягона ахборот портали яратилади.

Янгиликлар лентаси
0