ТОШКЕНТ, 17 апр — Sputnik. “Ўзбекистон ҳаво йўллари” авиакомпанияси 2019 йил 16 июлдан бошлаб Тошкент- Тбилиси -Тошкент йўналишида мунтазам қатновларни йўлга қўяди. Бу ҳақда компания матбуот хизмати хабар қилди.
Хабарда ёзилишича, ушбу йўналишдаги қатновлар ҳафтасига икки марта, сешанба ва жума кунлари амалга оширилади:
Сешанба: HY-745 Тошкент 15:50 - Тбилиси 18:30
Сешанба: HY-746 Тбилиси 19:30 - Тошкент 23:50
Жума: HY-745 Тошкент 08:00 - Тбилиси 10:40
Жума: HY-746 Тбилиси 11:40 - Тошкент 16:00
Парвозлар замонавий А320 самолётларида амалга оширилиши таъкидланган.
Эслатиб ўтамиз, аввалроқ Тошкентдаги Ислом Каримов номидаги халқаро аэропортга иккинчи Аirbus — А320-251neo самолёти олиб келингани ҳақида хабар қилган эдик. Аirbus — А320-251neo самолёти – француз компаниясининг энг янги самолёти бўлиб, у 150 йўловчи ташишга мўлжалланган. Самолёт номидаги “Neo” аббревиатураси “New Engine Option”, яъни “янги двигатель билан жиҳозланган” маъносини англатади.
