Тўрақўрғон ИЭСда биринчи газ трубинаси ишга тушди

© Sputnik / Дильшода РахматоваТуракурганская ТЭС
Туракурганская ТЭС - Sputnik Ўзбекистон
Oбуна бўлиш
Эндиликда Фарғона водийсининг Наманган, Андижон ва Фарғона вилоятларида электр энергиясига бўлган эҳтиёж тўлиқ қопланади.

ТОШКЕНТ, 6 авг – Sputnik. Наманган вилоятидаги Тўрақўрғон ИЭСда биринчи газ трубинаси ишга туширилди. Бу ҳақда Ўзбекистон Энергетика вазирлиги матбуот хизмати хабар қилди.

Қайд этилишича, айни вақтда ИЭС синов режимида фаолият кўрсатаётган бўлса, ноябрь ойидан тўлиқ ишга туширилади.

Туракурганская ТЭС - Sputnik Ўзбекистон
Тўрақўрғон ИЭС саноқли кунларда ишга тушади

Биринчи қурилмани 2019 йилнинг сентябрь ойида, иккинчисини ноябрь ойида фойдаланишга топшириш режалаштирилганди. Янги авлодга мансуб энергоблоклар анъанавий иссиқлик электр станциялари сарфлайдиган ёнилғига бирлигига нисбатан икки баробар кўп электр энергияси ишлаб чиқаради.

Мутахассисларнинг ҳисоб-китобларига кўра, буғ-газ қурилмаларида КПД тахминан 59 % ташкил этиб, бу анъанавий буғ генераторли станциялар кўрсаткичларидан анча юқори бўлиши билан бирга, энергоблокларнинг иш жараёнида атмосферага чиқадиган зарарли газлар миқдори қарийб икки бараварга камаяди.

Тўрақўрғон ИЭС ишга туширилиши натижасида бир йилда 900 Мвт қўшимча қўшимча қувват ёки 7 млрд КвТ соат электр энергияси ишлаб чиқариш имконияти яратилади ва Фарғона водийсининг Наманган, Андижон ва Фарғона вилоятларида электр энергиясига бўлган эҳтиёж тўлиқ қопланади.

Янгиликлар лентаси
0