Ҳиндистон компанияси Ўзбекистон авиация бозорига кирмоқчи

© Узбекистон хаво йуллариAirbus поставил первый A320neo для "Узбекистон хаво йуллари"
Airbus поставил первый A320neo для Узбекистон хаво йуллари - Sputnik Ўзбекистон
Oбуна бўлиш
“Мен Навоий аэропорти Марказий Осиё минтақасининг энг йирик қуруқлик портига айлана олишига ишонаман. Чунки бунинг учун барча асослар мавжуд”, - деди “Delhi International Airport Limited” компаниясининг молиявий директори.

ТОШКЕНТ, 4 окт - Sputnik. Транспорт вазирлигида Ҳиндистоннинг “Delhi International Airport Limited” компаниясининг молиявий директори Санжив Эдвард бошчилигидаги делегация аъзолари билан учрашув бўлиб ўтди.

Вазирлик хабарида қайд этилишича, учрашувда Навоий аэропорти базасида ташкил этилган халқаро интермодаль логистика марказининг самарадорлигини ошириш масаласи муҳокама этилган.

Доступное жилье в в Сергелийском районе Ташкента - Sputnik Ўзбекистон
Ҳиндистон компанияси Сергелида кўп қаватли уйлар қуради

Муҳокамалар давомида Санжив Эдвард Ҳиндистон томони юк ва йўловчи ташиш жараёнида мамлакатнинг транзит салоҳиятидан кенг фойдаланиш орқали ҳамкорлик алоқаларини янада ривожлантиришдан манфаатдор эканлигини маълум қилди. 

У, шунингдек, “DIAL” компанияси Навоий ва Деҳли аэропортларини юк ташувлари йўналишида бир-бирига боғловчи тизимни яратиш масаласини кўриб чиқишга тайёрлигини билдирди. 

“Мен Навоий аэропорти Марказий Осиё минтақасининг энг йирик қуруқлик портига айлана олишига ишонаман. Чунки бунинг учун барча асослар мавжуд”, - деди Санжив Эдвард. Ҳиндистон компанияси, шунингдек, авиаташувлар билан боғлиқ ҳужжатлар ва жараёнларнинг IT ечимларини амалиётга жорий этиш йўналишида ҳам ҳамкорлик қилишга тайёрлигини маълум қилди. 

Учрашув давомида томонлар авиация соҳасида юк ва йўловчи ташиш йўналишида алоҳида ишчи гуруҳларини шакллантириб, ҳамкорлик алоқаларини йўлга қўйиш бўйича келишиб олишди. 

Янгиликлар лентаси
0