21:19 05 Апрел 2020
Эфир
  • RUB121.10
  • EUR10637.67
  • USD9554.22
Иқтисод
Ҳавола олиш
Мирзиёевнинг Туркияга расмий ташрифи (11)
37310

Шавкат Мирзиёев Анқарада Туркиянинг етакчи компаниялари ва банклари раҳбарлари билан учрашувда Ўзбекистон кечаги Ўзбекистон эмаслигини таъкидлади.

ТОШКЕНТ, 20 фев — Sputnik. Президент Шавкат Мирзиёев Анқарада Туркиянинг етакчи компаниялари ва банклари раҳбарлари билан учрашди.

Давлат раҳбари матбуот хизмати хабарига кўра, тадбирда Туркия савдо палаталари ва биржалари уюшмаси, Туркия ҳамкорлик ва мувофиқлаштириш агентлиги (ТИКА), “Гебзе” уюшган саноат зонаси, “Зираат” банки, “Зорлу холдинг”, “Жошкуноз холдинг”, “Экзачибаши”, “Байкар” каби қатор компаниялар вакиллари иштирок этди.

Президент Шавкат Мирзиёев в Анкаре провел встречу с главами ведущих турецких компаний и банков
Пресс-служба президента Узбекистана
Президент Шавкат Мирзиёев в Анкаре провел встречу с главами ведущих турецких компаний и банков

Мирзиёев Туркия президенти билан ўтган музокараларда бизнес алоқаларни ҳар томонлама қўллаб-қувватлашга келишиб олинганини таъкидлади.

“Ўзбекистон кечаги Ўзбекистон эмас. Бугун мамлакатимизга кирган компания албатта манфаат топади. Мен бунга кафолат бераман. Бунинг учун зарур ҳуқуқий, институционал шароитлар яратиб берилади”, - деди Шавкат Мирзиёев.

Учрашувда, шунингдек, келишувлар ва имзоланган битимларни кенг кўламда амалга ошириш, савдо, инновация, энергетика, инфратузилмани ривожлантириш, транспорт, туризм, тўқимачилик ва озиқ-овқат саноати, бошқа тармоқларда қўшма лойиҳаларни фаол илгари суриш муҳимлиги таъкидланди. 

Шавкат Мирзиёев и Реджеп Эрдоган подписали ряд совместных документов
© Пресс-служба президента Узбекистана.

Туркиялик ишбилармонлар ўтган йили Ўзбекистонга борганликлари, иқтисодиётнинг барча тармоқларида ўзгаришларга, одамларда "ислоҳотлар тафаккури"га гувоҳ бўлганини таъкидлади. Ўзбекистон бозорига кириш, ҳамкорликда истиқболли лойиҳаларни амалга ошириш ниятида эканини билдирди. 

Шунингдек, учрашувда Ўзбекистон билан Туркиянинг вазирлик ва компаниялари ўртасида алоқаларни янада ривожлантириш, ўзаро маҳсулот етказиб бериш ва хизмат кўрсатишни кенгайтириш, клиникалар ва олий ўқув юртлари ташкил этиш бўйича аниқ лойиҳалар муҳокама қилинди. Шавкат Мирзиёев бу режаларни маъқуллаб, мутасаддиларга тез фурсатларда амалий ишларга ўтиш, бюрократик тўсиқларсиз уларни ҳаётга татбиқ этиш бўйича топшириқлар берди.

Мавзу:
Мирзиёевнинг Туркияга расмий ташрифи (11)

Асосий мавзулар