ОТБ Ўзбекистонга COVID-19 билан курашга 1,36 млн доллар ажратди

© Sputnik / Виталий Тимкив / Медиабанкка ўтишКупюры американских долларов.
Купюры американских долларов. - Sputnik Ўзбекистон
Oбуна бўлиш
Осиё тараққиёт банки Ўзбекистонга коронавирус тарқалишига қарши кураш учун 1,36 млн доллар миқдорда грант ажратишни маъқуллади.

ТОШКЕНТ, 18 май — Sputnik. Осиё тараққиёт банки (ОТБ) Ўзбекистонга коронавирус тарқалишига қарши кураш учун 1,36 млн доллар миқдорда грант ажратишни маъқуллади. Бу ҳақда банк матбуот хизмати хабар қилмоқда.

Грант соғлиқни сақлаш ходимлари учун шахсий ҳимоя воситалари ва мамлакат соғлиқни сақлаш тизимининг салоҳиятини тезда оширишга ёрдам беради бошқа тиббий буюмлар сотиб олиш учун ишлатилади.

Мужчина пересчитывает доллары США, фото из архива - Sputnik Ўзбекистон
Ўзбекистон пандемия оқибатларини юмшатиш учун 3 млрд доллар жалб қилади

Таъкидланишича, маблағлар ОТБнинг “2019 коронавирус касаллиги эпидемияси ва бошқа юқумли касалликларнинг потенциал эпидемияларига қарши курашда минтақавий қўллаб-қувватлаш” бўйича техник ёрдам ресурсларидан ажратилади ва март ойида Ўзбекистонга тиббий буюмларсотиб олиш учун ажратилган 200 минг долларлик дастлабки техник ёрдамни тўлдиради.

Шунингдек, ОТБ жорий кредитдан Ўзбекистонга яна 800 дона сунъий нафас олдириш ускунасини сотиб олишга имкон бериш учун 19,5 миллион доллар ажратган.

Эслатиб ўтамиз, 1 апрел куни инвестициялар ва ташқи савдо вазири Сардор Умурзаков ОТБ президенти Масацугу Асакава билан коронавирус пандемиясининг мамлакатдаги ижтимоий-иқтисодий жараёнларига таъсирини юмшатиш бўйича олиб борилаётган ишларни муҳокама қилган эди. Ўшанда банк томонидан республика соғлиқни сақлаш тизимини ҳар томонлама қўллаб-қувватлашга йўналтирилган қўшимча маблағларни жалб қилиш истиқболлари кўриб чиқилаётгани маълум қилинган эди.

Янгиликлар лентаси
0