Хитой Ўзбекистонга пахта етиштириш учун янги технология етказиб берди

© Sputnik / А. Варфоломеев / Медиабанкка ўтишВеточки хлопка
Веточки хлопка - Sputnik Ўзбекистон
Oбуна бўлиш
Хитой технологияси туфайли ўсимликлар 5-6 кундан сўнг, анъанавий суғориш усулларидан фойдаланиш билан таққослаганда тахминан беш кун олдин, бўй чўзган.

ТОШКЕНТ, 25 май — Sputnik. Хитойнинг Xinjiang Tianye компанияси Ўзбекистонга қопловчи плёнка қўллаган ҳолда томчилатиб суғориш технологиясини етказиб берди. Бу ҳақда “Синьхуа” агентлиги хабар қилмоқда.

“Ушбу технология Хитой-Ўзбекистон замонавий сувни тежайдиган қишлоқ хўжалиги соҳасида технологияларни намойиш этиш маркази доирасида Ўзбекистоннинг Сирдарё вилоятидаги 406,7 гектар пахта далаларида қўлланилади”, - дейилган хабарда.

Орошение земли - Sputnik Ўзбекистон
Ўзбекистонда сув тежовчи технологияларни қўллаганларга давлат ёрдам беради

Қишлоқ хўжалиги машиналари Хитойдан Сурхондарёга олиб келинган ва у ерда томчилатиб суғориш ва пахта экиш тизимини ўрнатиш учун бир ярим ой вақт кетган.

Хитой технологияси туфайли ўсимликлар 5-6 кундан сўнг, анъанавий суғориш усулларидан фойдаланиш билан таққослаганда тахминан беш кун олдин, бўй чўзган.

Хитой-Ўзбекистон марказининг лойиҳа режасига мувофиқ, технологияни қамраб олиш ҳудуди кенгайтирилади, шунингдек, маҳаллий техник эксплуатация мутахассисларини ўқитиш режалаштирилмоқда.

Xinjiang Tianye компанияси Хитойнинг энг йирик сув тежовчи ускуналари ишлаб чиқарувчиси ва ишлаб чиқарувчиси ҳисобланади.

Янгиликлар лентаси
0