Ўзбекистонга жўнатилаётган пул ўтказмалар ҳажми тиклана бошлади

© Sputnik / Рамиз БахтияровНациональная валюта Узбекистана — сум
Национальная валюта Узбекистана — сум - Sputnik Ўзбекистон
Oбуна бўлиш
Коронавирус пандемияси туфайли қулаган пул ўтказмалари ҳажми ўса бошлади. Июнь ойида Ўзбекистонга 621 млн доллар юборилган.

ТОШКЕНТ, 14 июл — Sputnik. Март ва апрель ойида қулаган трансчегаравий пул ўтказмалари ҳажми тиклана бошлади. Бундан Ўзбекистон Марказий банки маълумотлари дарак бермоқда.

Қайд этилишича, йил бошидан бери мамлакатда қабул қилинган пул ўтказмалари ҳажми 2,4 млрд долларни ташкил этди. Бу ўтган йилнинг шу даврига нисбатан 156 млн долларга ёки 6 фоизга кам.

Денежные купюры и монеты разных стран - Sputnik Ўзбекистон
Сабр таги - сариқ олтин: мигрантларнинг Россиядан пул ўтказмалари кескин кўтарилди

Январь ойида Ўзбекистонга 400 млн доллар, февраль ойида эса 385 млн доллар жўнатилган. Пандемия бошланиши билан ўтказмалар ҳажми кескин қисқарган: март ойида пул ўтказмалари 296 млн долларгача, апрелда 250 млн долларчага камайди.

Май ойида эса пул ўтказмалари ҳажми тиклана бошлади - 485 млн доллар юборилган. Июнда Ўзбекистонга 621 млн доллар юборилган

Худди шу даврда 427 млн доллар чет элга юборилган. Бу ўз навбатида 2019 йилнинг биринчи ярмидан 40 млн доллар ёки 9 фоизга кам.

Янгиликлар лентаси
0