Алишер Усмонов Наманганда халқаро бизнес маркази қуради

© Sputnik / Алексей Филиппов / Медиабанкка ўтишФехтование. Чемпионат мира. Второй день
Фехтование. Чемпионат мира. Второй день - Sputnik Ўзбекистон
Oбуна бўлиш
Наманган марказида 6 гектар майдонда конгресс-холл, бизнес мактаби, меҳмонхона ва экопаркдан иборат Халқаро бизнес маркази қурилади.

ТОШКЕНТ, 16 ноя - Sputnik. Ўзбекистонлик тадбиркор, UMS Holding асосчиси Алишер Усмонов томонидан Наманганда Халқаро бизнес маркази қурилиши режалаштирилган, деб хабар қилмоқда Наманган вилоят ҳокимияти матбуот хизмати вилоят ҳокими Шавкатжон Абдураззақовга асосан.

Халқаро бизнес маркази қурилиши Келгуси йилнинг баҳор ойларида бошланади. 6 гектарни эгаллаган марказ Наманган шаҳрининг Амир Темур кўчасидаги собиқ “Кичкинтойлар боғи”да бўлди. Марказда Конгресс-холл, бизнес мактаби, меҳмонхона, экопарк, спорт-соғломлаштириш иншоотларини ўз ичига олади. Сунъий кўллар, фавворалар, автотураргоҳлар барпо этилади, - дейилган хабарда. 

"Халқаро бизнес маркази қурилиши баҳор ойларидан бошланади. Бу ерда келгусида халқаро симпозиумлар, бизнес-форумлар ўтказилиши кўзда тутилган. Шу орқали Наманганга инвестициялар кириб келиши жадаллашади, бизнес-туризм учун кенг имкониятлар яратилади. Мазкур марказ Наманганнинг ўзига хос брендига айланади", — деди вилоят ҳокими.

Шу билан бирга Шавкатжон Абдураззақов қурилиш олиб борилиши режалаштирилган ҳудудда ободонлаштиришга эътибор қаратиш, котлован атрофида хавфсизлик масалаларини кўздан қочирмаслик зарурлигини таъкидлади.

 

 

Янгиликлар лентаси
0