ТОШКЕНТ, 5 сен — Sputnik. Жалалобод вилоятининг Олабуқа туманида чегарани ноқонуний кесиб ўтган ўзбекистонлик шахс қўлга олинди, деб хабар берди Sputnik Қирғизистон бош вазир ўринбосари Женишбек Разақовнинг сўзларига таяниб.
Унинг айтишича, қоидабузар 1 сентябрь куни Ўрта-Тўқай сув омбори ҳудудида ушланган.
"Ўзбекистон фуқароси ҳозирча чегарани нима учун ноқонуний равишда кесиб ўтганини изоҳлагани йўқ. Унга нисбатан текширув тадбирлари олиб борилмоқда", — маълум қилди Разақов.
Қоидабузар ҳудудий милиция бўлинмасида сақланмоқда.
Илгарироқ Ўзбекистон ҳуқуқни муҳофаза қилиш органи ходими чегарани ноқонуний кесиб ўтгани учун қўлга олинганди. Унга нисбатан жарима солинган ва қўйиб юборилганди.
