"Участка" учун одамлардан миллионлаб пул ўндирган қаршилик фирибгар қўлга олинди

© ЦОС ФСБ РФ / Медиабанкка ўтишҚўлга олинган жиноятчи
Қўлга олинган жиноятчи - Sputnik Ўзбекистон
Oбуна бўлиш
Жиноятчи ер участкаси ажратилиши масаласини 20 миллион сўмга ҳал этишга ваъда берган

ТОШКЕНТ, 17 ноя — Sputnik. Миллий Хавфсизлик хизмати Қашқадарё вилояти бошқармаси ходимлари турар-жой қурилиши учун ер участкасини ажратиш соҳасида фирибгарлик билан шуғулланган жиноятчини қўлга олдилар, деб хабар қилди Спутник Ўзбекистон мухбирига ҳуқуқни муҳофаза қилиш органидаги манба.

Қўлга олинган жиноятчи - Sputnik Ўзбекистон
Қашқадарёда фуқаролар номига сохта кредит расмийлаштирган фирибгар-банкирлар қўлга олинди
Қарши шаҳрининг "Ер тузиш ва кўчмас мулк кадастри" ДК мутахассиси Аслиддин Абдуллаев ер участкасига эга бўлишни истаган фуқароларга ёрдам бериш баҳонасида, улардан катта миқдорда пул ўндирган.

"Тезкор гуруҳ ходимлари фирибгар Қарши шаҳри Қавали маҳалласидан ер участкасини ажратиш масаласини 20 миллион сўм эвазига ҳал этишга ваъда берганидан хабар топадилар. Ўтказилган операция давомида А. Абдуллаев фуқародан талаб қилинган пулнинг бир қисми — 1500 долларни олаётган вақтда қўлга олинган", — деб таъкидлади манба.

Ўтказилган тергов натижаларида эса Абдуллаев томонидан содир этилган бошқа фирибгарлик ишлари ҳам фош бўлади. Мисол учун, у ўз лавозимидан фойдаланиб, аёлларга ёрдам бериш ваъдаси билан қаршилик Н.Б.дан 150 доллар, А.У исмли фуқародан эса — 2,7 миллион сўм олган.

Абдуллаевга нисбатан Ўзбекистон Республикаси Жиноят Кодексининг 168-моддаси ("Фирибгарлик") бўйича жиноий иш қўзғатилган.

Айни вақтда суриштирув ишлари давом этмоқда.

Янгиликлар лентаси
0