ТОШКЕНТ, 30 ноя — Sputnik. Тошкент марказида, аниқроғи Юнусобод туманида "Matiz" русумидаги автомобиль ёниб кетди, деб хабар қилмоқда uz24.
Ҳодиса 29 ноябрь куни соат тахминан 23:00да Амир Темур шох кўчасида, собиқ "Қозоғистон" кинотеатри яқинида юз берган. "Ҳодиса тўғрисида хабар бераётган вақтимизда жабрланувчилар ҳақида маълумот йўқ эди", — деб ёзган нашр.
Хабарда таъкидланишича, ҳодиса юз берган жойда транспорт қатнови вақтинчалик чегараланган.
Ёнғин сабаблари аниқлаштирилмоқда. Ҳодиса жойида Фавқулодда вазиятлар вазирлиги ҳамда ЙҲХББ ходимлари иш олиб боришган.