ТОШКЕНТ, 13 апр — Sputnik. Россия ҳуқуқ-тартибот органлари Москва шаҳрида 50 нафар Қирғизистон фуқаросини қўлга олишди, деб хабар қилди Россиядаги Қирғизистон элчихонаси матбуот-хизмати.
Қирғизистон фуқароларининг ёппасига қўлга олиниши 12 апрел куни рўй берган. Қўлга олинганларни ҳимоя қилиш мақсадида Москва шаҳридаги Қирғизистон элчихонаси ходимлари ҳодиса рўй берган жойга етиб борганлар.
Қирғизистон дипломатик ваколатхонаси аралашувидан сўнг қўлга олинган 50 нафар қирғизистонликнинг 40 нафари текширув ишларидан сўнг қўйиб юборилган. Қолган 10 нафар фуқаро тақдири эса 48 соат ичида маҳаллий суд томонидан ҳал қилиниши айтилмоқда.
Хабар берилишича, улар Россия Федерацияси миграция қонунчилигини бузганликлари аниқланган.
