TOШКЕНТ, 12 май — Sputnik. Шимолий Корея раҳбарига суъиқасд уюштирмоқчи бўлган шпионлар кескин жазога тортади, деб баёнот қилди Шимолий Кореянинг Россиядаги элчиси Ким Хен Чжун.
Ўтган ҳафтада КХДР Миллий хавфсизлик вазирлиги вакиллари АҚШнинг Марказий Разведка бюроси ҳамда Жанубий Корея Разведка хизмати Шимолий Корея раҳбари Ким Чен Инга аллақандай биокимёвий модда ёрдамида ҳужум қилмоқчи бўлгани ҳақида хабар тарқатган.
Мана шундан сўнг Шимолий Корея ташқи ишлар вазири ўринбосари Хан Сон Рел "КХДР дарҳол корейсча услубда антитеррор урушига киришишини ва уни босқичма-босқич ва тезликда ўтказишини" хабар қилган.
Рейтер агентлиги хабарига кўра, ушбу баёнотлардан кейин Шимолий Кореяда икки нафар АҚШ фуқароси ҳибсга олинган. Улар Тони Ким (корейча исми Ким Сан Док) ва Ким Хак Сон.
Бироз олдин Шимолий Кореяда яна икки нафар Америка фуқароси ҳибсга олинган эди. Улар 62 ёшли Ким Чон Чхоль ва талаба Отто-Фридерик Уормбиер. Қўлга олинганлар 2016 йилда КХДРга қарши қўпорувчилик ҳаракатида айбланиб, озодликдан маҳрум қилинган.
