TOШКЕНТ, 11 июл — Sputnik. Тожикистоннинг Конибодомида 13 яшар қиз билан жинсий алоқа қилганликда айбланиб, икки эркак қўлга олинди, деб хабар қилди Спутник Тожикистон.
Нашр хабарига кўра, эркакларни қўлга олиш ишлари Сўғд вилоятида амалга оширилган.
"Гумондорлардан бири Конибодомдаги меҳмонхонага 13 яшар қизни олиб келган ва меҳмонхона администраторига 100 сомоний (тахминан 95 минг сўм) бериб, қиз билан ярим соатча вақт ўтказган", — дейилади хабарда.
Сўнгра эркак вояга етмаган қизни танишининг квартирасига олиб борган. Иккинчи эркак ҳам қиз билан жинсий алоқа қилган.
Икки эркакка нисбатан жиноий иш қўзғатилган. Улар 2 йилдан 5 йилгача қамоқ жазосига маҳкум этилиши мумкинлиги айтилмоқда.
