Фарғонада ниқоб таққан жиноий гуруҳ қўлга олинди

© AP PhotoЎзбек милицияси патрул машинаси
Ўзбек милицияси патрул машинаси - Sputnik Ўзбекистон
Oбуна бўлиш
Ниқоб таққан жиноятчилар Фарғонадаги уйларнинг бирига ўғирликка тушадилар. Уйғониб қолган уй эгасининг юзига уриб, тан жароҳати етказиб, хонадаги сандиқ ичидан 10 млн. сўм пул ва 1,5 минг сўмлик турли заргарлик буюмларини олиб кетадилар

ТОШКЕНТ, 4 сен — Sputnik. Ўзбекистон ИИВ матбуот-хизмати Фарғонада ниқоб кийган ва пичоқ билан қуролланиб олган жиноий гуруҳ ушлангани ҳақида хабар берди.

Хабарга кўра, жорий йилнинг 29 август куни тунда, соат тўрт яримлар атрофида Фарғона вилоятининг Қўштепа туманида уч нафар номаълум шахслар юзларига ниқоб кийган ва пичоқ билан қуролланган ҳолда, Янгиариқ маҳалла фуқаролар йиғини ҳудудидаги хонадонларнинг бирига девор орқали ошиб тушиб, хонадон эгаси Ғ.Ю. ва унинг турмуш ўртоғи С.Ю.лар ухлаб ётган хонага бостириб кирадилар.

Президент Узбекистана Шавкат Мирзиёев - Sputnik Ўзбекистон
Президент вояга етмаганлар орасида жиноятчилик ортганлиги учун раҳбарларга танбеҳ берди
Уй эгалари уйғониб қолганларида, Ғ.Ю.ни юзига уриб, тан жароҳати етказадилар. С.Ю.ни ва ушбу хонадонда бирга яшовчи қизи М.Ю.ни қўл-оёқларини ўзлари билан олиб келган арқон билан боғлаб, хонадаги сандиқ ичидан 10 млн. сўм пул ва 1,5 минг сўмлик турли заргарлик буюмларини олиб кетадилар.

Кўрилган чоралар натижасида, ушбу жиноятни Ёзёвон туманида яшовчи 1994 йилда туғилган В.Қ., Марғилон шаҳрида яшовчи 1985 йилда туғилган Ҳ.Ю. ва Фарғона шаҳрида яшовчи 1996 йилда туғилган Р.Т.лар содир этганликлари аниқланиб, жиноий гуруҳнинг барча аъзолари қўлга олиндилар. Ҳаттоки, ушбу жиноий гуруҳнинг аъзоларидан бири аёл киши бўлган.

Ҳолат юзасидан Ўзбекистон Республикаси Жиноят кодексининг 164-моддаси 3-қисми, яъни босқинчилик жинояти аломатлари билан жиноят иши қўзғатилган. Ҳозирги кунда тергов ҳаракатлари олиб борилмоқда.

Янгиликлар лентаси
0