Тошкентда фирибгар хорижлик олибсотарлар қўлга олинди

© fotoliaРуки в наручниках
Руки в наручниках - Sputnik Ўзбекистон
Oбуна бўлиш
Фирибгарлар "Абу Сахий" бозоридан идиш-товоқ тўпламларини сотиб олиб, кейинчалик гўёки мазкур буюмлар Германия ва Францияда ишлаб чиқарилган деб харидорларни алдаш орқали қиммат нархларга сотиб келаётганликлари маълум бўлди

ТОШКЕНТ, 8 ноя — Sputnik. Тошкент шаҳар ИИББ бозордан ҳар хил турдаги буюмларни арзон нархларда харид қилиб, фуқароларга алдов йўли билан қиммат нархларда сотиш ишлари билан шуғулланган 2 нафар Молдова Республикаси фуқароларини қўлга олди. Тошкент шаҳар ИИББ хабарига асосан.

Газовые баллоны - Sputnik Ўзбекистон
МХХ аҳоли учун мўлжалланган газни талон-тарож қилиш ҳолатини аниқлади

Хабарда айтилишча, Тошкент шаҳар ИИББга бир неча нафар чет эл фуқаролари Тошкент шаҳридаги бозорлардан ҳар хил турдаги буюмларни арзон нархларда харид қилиб, уларни Тошкент шаҳар ва Тошкент вилояти ҳудудларида фуқароларга алдов йўли билан қиммат нархларда сотиб келаётганликлари ҳақида хабар келиб тушган.

2017 йил 5 ноябрь куни Тошкент шаҳар ИИББ ходимлари махсус тезкор тадбир натижасида икки нафар циган миллатига мансуб бўлган, Молдова Республикаси фуқаролари 1991 йилда туғилган Плешко Александр ҳамда 1987 йилда туғилган Чеботарь Александрлар қўлга олинди.

Ушбу хорижий фуқаролар Тошкент вилоятида жойлашган меҳмонхонада вақтинча яшаб, Чилонзор туманидаги "Абу Сахий" бозоридан ошхона анжомлари, идиш-товоқ тўпламлари ва бошқа буюмларни арзон нархларда сотиб олиб, уларни Тошкент шаҳридаги кўп қаватли уйларнинг атрофида, бозорларда ҳамда супермаркетларда гўёки мазкур буюмлар Европа давлатларида ишлаб чиқарилганлигини билдириб, харидорларни алдаш орқали қиммат нархларга сотиб келаётганликлари маълум бўлди.

Янгиликлар лентаси
0