Фарғона вилоятида эр-хотин газдан заҳарланиб вафот этди

© Sputnik / Наталья Селиверстова / Медиабанкка ўтишСкорая помощь
Скорая помощь - Sputnik Ўзбекистон
Oбуна бўлиш
Печдан сизиб чиққан ис газидан заҳарланган эркак воқеа жойида, аёл касалхонага келтирилганида вафот этган

ТОШКЕНТ, 18 янв — Sputnik. Фарғона вилоятининг Боғдод туманида 56 яшар эркак ва унинг 54 ёшли хотини газдан заҳарланиш оқибатида вафот этди. Бу ҳақда ИИВ матбуот-хизмати хабар бермоқда.

Скорая помощь, архивное фото - Sputnik Ўзбекистон
ТИВ Рязань вилоятида ис газидан заҳарланган ўзбекистонликлар ҳақида маълумот берди

Хабарда айтилишича, 16 январь соат 07.00 ларда Машрабжон Тошқўзиев ва унинг турмуш ўртоғи Азиза Тошқўзиевалар уйида пропан газ балонини иситиш печига улашда техника хавфсизлик қоидаларига, риоя қилмасликлари оқибатида печдан сизиб чиққан ис газидан захарланиб эркак воқеа жойида, аёл касалхонага келтирилганида вафот этган.

Шунингдек, Тошкент вилоятининг Қуйичирчиқ туманида Ужакент маҳалла фуқаролар йиғинида яшовчи фуқаро уйида газ печини ёқиш мақсадида гугурт чаққан вақтида хонага тўпланиб қолган газ ва ҳаво аралашмасидан чақнаш содир бўлган. Натижада уй эгаси ва уйида меҳмонда бўлган қўшниси хам куйиш жароҳатлари билан касалхонага ётқизилганлар.

Янгиликлар лентаси
0