08:12 20 Июл 2018
Эфир
  • RUB124.54
  • EUR9100.06
  • USD7787.81
Knife

Тошкентдаги "Малика" савдо мажмуасида пичоқбозлик рўй берди

© Flickr / Mr Korn Flakes
Ҳодисалар
Ҳавола олиш
287 0 0

Гумонланувчининг сўзларига кўра, жанжал унинг синглиси ва жабрланувчи ўртасидаги келишмовчилик оқибатида юз берган.

ТОШКЕНТ, 10 июл — Sputnik. Шайхонтоҳур туманидаги “Малика” савдо мажмуасида сотувчи ва харидор ўртасида пичоқбозлик содир бўлди. Тошкент шаҳар ИИББ мазкур ҳодисага изоҳ берди, деб ёзади Спутник мухбири.

Ҳодиса 8 июл куни содир бўлган. Келишмовчилик оқибатида харидор сотувчининг кўкрак қисмига пичоқ уради. Сўнгра ўзининг “Нексия” русумли машинасида воқеа жойидан қочиб кетади.

Жабрланган сотувчи тиббий ёрдам сўраб Юнусобод туманидаги 7-шаҳар клиник касалхонасига мурожаат қилган.

Мазкур ҳолат юзасидан Ўзбекистон Жиноят кодексининг 277-моддаси (Безорилик) бўйича жиноят иши қўзғатилди.

Тезкор суриштирув ишлари натижасида гумонланувчининг шахси ва бошқарувида бўлган автомобил давлат рақами аниқланди. Гумондор қўлга олинган бўлиб, у илгари судланганлиги хабар қилинмоқда.

Гумонланувчининг сўзларига кўра, жанжал унинг синглиси ва жабрланувчи ўртасидаги келишмовчилик оқибатида юз берган. Тергов ҳаракатлари давом этмоқда.

Асосий мавзулар