Ички ишлар ходимлари билан можаро чиқарганларнинг барчаси маст ҳолда бўлган – Тошкент ШИИБ

© Sputnik / СтрингерМилиция
Милиция - Sputnik Ўзбекистон
Oбуна бўлиш
Учала ҳуқуқбузарга нисбатан маъмурий жавобгарлик тўғрисидаги баённома тузилди.

 

ТОШКЕНТ, 4 авг – Sputnik. Тошкент шаҳар ИИББ ходимларининг икки йигит ва бир нафар қизни тартибга чақириб, улардан шахсини тасдиқловчи ҳужжатларини кўрсатишини ва ички ишлар бўлимига боришини сўраб мурожаат қилгани тасвирлангани тарқалган видеолавҳа бўйича баёнот берди.

Маълум қилинишича, 2018 йилнинг 5 июлидан 6 июлига ўтар кечаси, соат тахминан тунги 3:30да 26 ёшли Б.Артём, 21 ёшли Ф.Никита ҳамда 23 ёшли С.Александралар маст ҳолда Юнусобод туманининг Истиқлол кўчаси автомобил қатнов йўлидан юриб, транспортлар қатновига халал беришган, одамлар ором олаётган вақтда шовқин кўтариб, жамоат тартибини бузганлар.

Милиция - Sputnik Ўзбекистон
Тошкентда ички ишлар ходимлари ва бир гуруҳ ёшлар ўртасида можаро юзага келди

Воқеа жойига етиб келган патрул-пост хизмати ходимлари ёшларни қатнов қисмини тарк этиб, тротуардан юришга чақиришган. Бироқ улар ходимларнинг талабини бажаришдан бош тортишган, шунингдек шахсни тасдиқловчи ҳужжатларни тақдим этишни ҳам исташмаган. Улардан икки нафари ҳужжатлари ёнида эмаслигини айтган бўлса, Артём паспортини ҳуқуқ посбонларининг қўлига бермаган.

“Шундан сўнг, улардан ходимлар билан бирга ички ишлар бўлимига боришлари сўралди. Бироқ, қоидабузарлар қонун ҳимоячиларининг қонуний талабларини рад этишди. Қолаверса, ахлоқ-одоб чегарасидан ўтиб, ўзларини тута билишмади”, дейилади баёнотда.

Шунга кўра, учала ҳуқуқбузарга нисбатан маъмурий жавобгарлик тўғрисидаги баённома тузилди. Ўз навбатида, Юнусобод туман маъмурий суди Б.Артёмни Ўзбекистон Республикаси маъмурий жавобгарлик тўғрисидаги кодексининг 194-моддасига (“Милиция ходимининг қонуний талабларини бажармаслик”) мувофиқ айбдор деб топиб, унга нисбатан жарима белгилаш ҳақида қарор қабул қилди. Қолган икки нафар ҳуқуқбузарларга эса огоҳлантириш берилди.

 

 

Янгиликлар лентаси
0