Ўзбекистон фуқароси АҚШда 11 йилга қамалди

© Sputnik / Алексей Куденко / Медиабанкка ўтишСледственный изолятор
Следственный изолятор  - Sputnik Ўзбекистон
Oбуна бўлиш
Террорчи ташкилотларга ёрдам беришда айбланган Жамшид Мухторов АҚШда 11 йилга қамалди.

ТОШКЕНТ, 3 сен - Sputnik. Ўзбекистонлик Жамшид Мухторов АҚШда 11 йил қамоқ жазосига ҳукм қилинди, деб хабар қилмоқда Daryo.uz, AP хабарига асосан.

"2012 йили Чикаго аэропортида Истанбулга учишдан олдин қўлга олинган ўзбекистонлик Жамшид Мухторов АҚШ расмийлари томонидан 11 йил қамоқ жазосига ҳукм қилинди", - дейилган хабарда. 

© The Denver PostЖамшид Мухторов
Ўзбекистон фуқароси АҚШда 11 йилга қамалди - Sputnik Ўзбекистон
Жамшид Мухторов

Мухторов июнь ойида айбловнинг уч банди бўйича, жумладан, штаб-квартираси Покистонда бўлган «Ислом жиҳоди иттифоқи» террорчи ташкилотига молиявий кўмак беришга уринишда айбдор деб топилди. Мазкур ташкилот Ўзбекистон ва Афғонистонда қатор терактлар ташкиллашга алоқадор саналади.

Жазони ўтаб бўлганидан (унинг шу пайтгача ҳибсда ўтирган 6 йили ҳам ҳисобга олинади) cўнг Мухторов АҚШдан бадарға қилинади. Судья Жон Кейн у Қўшма Штатлар ҳудудида зўравонлик ҳаракатларини амалга оширмагани ва режалаштирмаганини билдирди.

Маълумот учун, Жамшид Мухторов 2007 йили Ўзбекистондан АҚШга кўчиб ўтган ва сиёсий қочоқ мақомини олганди.

Янгиликлар лентаси
0