ТОШКЕНТ, 17 май - Sputnik. Сирдарёда вилоятида юк машиналари тўқнашиши оқибатида икки киши ҳалок бўлди.
Ўзбекистон ИИВ Жамоатчилик ва ОАВ билан алоқалар бошқармаси хабарига кўра, 15 май куни 19 ёшли фуқаро бошқарувидаги
“Газель” русумли юк автомашинасини Сирдарё вилоятининг Оқ олтин тумани ҳудудида ҳайдаб кетаётган вақтда светафорнинг қизил чироғига тўхтаб турган фуқаро бошқарувидаги “Камаз” русумли юк автомашинасининг орқа қисмига бориб урилган.
“Натижада “Газель” юк автомашинаси ҳайдовчиси жароҳат олиб воқеа жойида ва унинг йўловчиси 19 ёшли Б.К. касалхонада вафот этганлар”, - дейилади хабарда.
Ҳозирда ҳолат юзасидан жиноят иши қўзғатилиб, тергов ҳаракатлари олиб борилмоқда.