23:44 12 Ноябр 2019
Эфир
  • RUB148.82
  • EUR10455.03
  • USD9490.77
Доллары США

Тошкентлик фирибгар танишини 50 минг долларга чув туширди

© pixabay
Ҳодисалар
Ҳавола олиш
113 0 0

Тошкентлик аёл танишига 50 минг доллар бериб, бу пулларни Қозоғистондаги танишларига етказиб қўйишни сўраган

ТОШКЕНТ, 18 окт - Sputnik. Тошкентлик аёлни яқин таниши 50 минг долларга чув туширди. Фирибгар бу пулларни аёлнинг Қозоғистонда яшайдиган танишларига етказиб қўйиш ваъдасини берган, деб хабар қилмоқда ИИББ матбуот хизмати.

"16-октябрь куни Сергели тумани ички ишлар органига 31 ёшли Александра К. мурожаат қилди. Аёл июнь ойида 50 минг АҚШ долларини Қозоғистонда яшовчи танишларига етказишда ёрдам беришни ваъда қилган таниши 37 ёшли Артём Ц.га нисбатан чора кўришни сўради", - дейилади ИИББ хабарида.

Хабарда айтилишича, Александра танишининг таклифига рози бўлиб, унга пулларни берган. Аммо Артём пулларни манзилга етказмаган, эгасига ҳам қайтармаган, шунчаки ўз эҳтиёжига сарфлаб юборган.

Ушбу факт юзасидан Ўзбекистон Республикаси Жиноят кодексининг 168-моддаси ("Фирибгарлик") бўйича жиноий иш қўзғатилган. Тергов ишлари олиб борилмоқда.  

ИИББ фуқароларни ҳушёр бўлишга, ўз пулларини яхши таниш бўлмаган кимсаларга нотариал тасдиқсиз бермасликка чақириб қолган.

Асосий мавзулар