ТОШКЕНТ, 24 окт – Sputnik. Бош прокуратура Самарқанд вилоятида МИБ ходимига қаршилик кўрсатилганлиги юзасидан хабар қилди.
Хабарда айтилишича, 23.09.2019 йил соат 17:00 ларда МИБ Пастдарғом туман бўлими давлат инспекторлари Б.У. ва Р.С. лар туманнинг Жағалбойли маҳалласи, 54-уйдаги газдан мавжуд қарздорликни хонадон эгасига маълум қилган вақтда истеъмолчи У.Т. уларнинг шаъни ва қадр қимматини камситувчи сўзлар билан ҳақорат қилган.
Шунингдек, У.Т. давлат инспектори Б.У. га тегишли “Spark” русумли транспорт воситасининг олд ойнасини таёқ билан уриб синдирган.
Мазкур ҳолат юзасидан туман прокуратураси томонидан У.Т. га нисбатан ЖКнинг 140-моддаси 3-қисми “а” банди ва 173-моддаси 3-қисми “а” банди билан жиноят иши қўзғатилган.