ТОШКЕНТ, 29 окт - Sputnik. Сурхондарё вилоятида ҳокимият вакилига қаршилик кўрсатган ҳайдовчига нисбатан жиноят иши қўзғатилди.
Бош прокуратура матбуот хизмати раҳбарининг маълум қилишича, 28 октябрь куни 35 ёшли фуқаро Ў.И. Узун тумани, Уланкул маҳалласида хизмат вазифасини ўтаётган вилоят ИИБ ЙҲХБ ходими Б.М.нинг қонуний талабларига бўйсинмаган ва бошқарувидаги “Lacetti” автомашинасида уни 10 метр масофага судраб кетган. Натижада ЙҲХБ ходими тан жароҳати олган.
Мазкур ҳолат юзасидан фуқаро Ў.И.га нисбатан ЖК 219-моддаси 1-қисми билан жиноят иши қўзғатилган.
Ҳозирда тергов ҳаракатлари олиб борилмоқда.