Наманганда беморнинг тажовузкор тоғаси шифокорни кўриш қобилиятидан маҳрум этди

© Sputnik / Рамиз БахтияровМашина скорой помощи
Машина скорой помощи - Sputnik Ўзбекистон
Oбуна бўлиш
Шифокор орқага қайтаётган пайтда Б. Т. эшикни бузиб ичкарига киради ва навбатчи жарроҳга қўққисдан ўнг кўзи соҳасига кучли зарба берган.

ТОШКЕНТ, 4 янв - Sputnik. Наманган вилоятида бемор қариндошининг тажовузи оқибатида шифокор кўриш қобилиятини тўлиқ йўқотди.

Соғлиқни сақлаш вазирлиги хабарига кўра, Учқўрғон туман шошилинч тиббий ёрдам бўлими жарроҳи О. Қ.га беморнинг тоғаси тажовуз қилиб, тикланиб бўлмас жароҳат етказган.

Мужчина показывает разбитый кулак, архивное фото - Sputnik Ўзбекистон
Беморнинг яқинлари ўласи қилиб калтаклаган икки шифокор оғир аҳволда шифохонага тушди

Дастлабки маълумотларга қараганда, 2020 йил 2 январь куни Учқўрғон туман шошилинч тиббий ёрдам бўлими болалар бўлимига амбулатор мурожаат қилган беморга зудлик билан вақтида ёрдам кўрсатилган. Бемор болани тоғаси 30 ёшли Б. Т. муолажа хонаси олдида жанжал кўтариб турган пайтда туман шошилинч тиббий ёрдам бўлими болалар бўлими навбатчи жарроҳи О. Қ. борган. Шундан сўнг шифокор Б.Т.ни тинчлантиришга ҳаракат қилиб, зина олдидаги эшикка олиб борган ва ташқарига чиқариб, эшикни ёпади. Шифокор орқага қайтаётган пайтда Б. Т. Эшикни бузиб ичкарига киради ва навбатчи жарроҳга қўққисдан ўнг кўзи соҳасига кучли зарба берган. Сўнгра воқеа жойидан ғойиб бўлади.

Шифокорга ёпиқ калла бош мия жароҳати, ўнг кўз олмасининг травматик катта ёрилиши, кўз гавҳарини чиқиши дастлабки ташхиси қўйилган.

“Айни пайтда тажрибали шифокорлар томонидан беморга малакали тиббий ёрдам кўрсатилмоқда. Бироқ жабрланувчи шифокорнинг кўзи қайта тикланмайдиган даражада кўриш қобилиятини йўқотган”, - дейилади хабарда.

Хабарда Ўзбекистонда айни дамда шифокорларни таҳқирлаш, уларга тажовуз қилиш учун қонуний жазо чораси кучайтириш мақсадида қонун лойҳаси ишлаб чиқилгани қўшимча қилинган. Вазирлик ушбу қонун лойиҳасини қабул қилиниши учун қатъий ҳаракат қилади.

Янгиликлар лентаси
0