Санкт-Петербургда Ўзбекистон фуқаросига 4 нафар безори ҳужум қилди

© Sputnik / Варвара ГертьеВ больнице
В больнице - Sputnik Ўзбекистон
Oбуна бўлиш
25 ёшли Ўзбекистон фуқароси Полежаевск паркидан қайтаётганида 4 кишининг ҳужумига учраган, улардан бири номаълум қуролдан фойдаланиб, унинг бош қисмига отган.

ТОШКЕНТ, 12 фев – Sputnik. 25 ёшли Ўзбекистон фуқароси Полежаевск паркидан қайтаётганида 4 кишининг ҳужумига учраган, улардан бири номаълум қуролдан фойдаланиб, унинг бош қисмига отган. Ҳолат юзасидан Ташқи меҳнат миграцияси агентлиги матбуот хизмати маълум қилди.

Трасса М5 в Челябинской области после метели - Sputnik Ўзбекистон
Челябинскдаги ЙТҲда ўзбекистонлик аёл қурбон бўлди

Қайд этилишича, ҳолат 7 февраль куни кеч соат 21:30 да содир бўлган. Дўконда ёрдамчи ишчи сифатида ишловчи 25 ёшли Ўзбекистон фуқароси Санкт-Петербургнинг Полежаевск паркидан қайтаётганида уни тўрт киши тўхтатиб, исмини сўраган ва улардан бири номаълум қуролдан фойдаланиб, унинг бош қисмига отган.

Ярадор бўлган Ўзбекистон фуқароси у ердан қочган ва уйига етиб келиб, тез ёрдам чақирган.

Ҳолат бўйича Ташқи меҳнат миграцияси агентлигининг Россиядаги ваколатхонаси ҳамда Ўзбекистоннинг Санкт-Петербургдаги бош консуллиги ҳамкорлигида Россия ҳуқуқни муҳофаза қилувчи органлари билан тезкор алоқа ўрнатилган.

1994 йилда туғилган Ўзбекистон фуқароси С.Н га Санкт-Петербург шаҳридаги 26-сонли касалхона шифокорлари томонидан зарур тиббий ёрдам кўрсатилган. Унинг ҳаёти хавф остида эмаслиги сабабли 8 февраль куни уйига рухсат берилган.

Ҳозирда Ўзбекистон фуқаросига ҳужум қилганларнинг 3 нафари ушланган ва уларга нисбатан Россия Федерацияси ЖКнинг 111-моддаси 2-қисми билан жиноят иши қўзғатилган.

Айни дамда ҳолат Ташқи меҳнат миграцияси агентлиги томонидан назоратга олиниб, фуқарога зарур ҳуқуқий ёрдам кўрсатилмоқда.

Янгиликлар лентаси
0