10:05 06 Июн 2020
Эфир
  • RUB121.10
  • EUR10637.67
  • USD9554.22
Ҳодисалар
Ҳавола олиш
393 0 0

Тошкентда спиртли ичимликларга муккасидан кетган ота-онаси дастидан 11 ёшли болакай ва 8 ёшли қизалоқ уйдан қочиб кетди.

ТОШКЕНТ, 23 фев — Sputnik. Тошкентда 11 ёшли ўғил ва 8 ёшли қиз  ичкиликка ружу қўйган ота-онасидан қасддан қочиб кетди.

Тошкент шаҳар ИИББ матбуот хизмати хабарида билдирилишича,  16-февраль куни Миробод тумани ИИО ФМБ навбатчилик қисмига икки нафар вояга етмаган болаларнинг отаси 36 ёшли Евгений А. мурожаат қилган. Эркак 15-февраль куни тахминан соат 8.00 да унинг 11 ёши ўғли ва 8 ёшли қизи уйдан чиқиб, номаълум томонга йўл олгани ва қайтиб келишмаганини маълум қилган. Кўрилган чоралар натижасида болаларни ИИББ ППХ ходимлари топиб, уларни уйларига қайтаришган.

Кейинчалик маълум бўлишича, болалар қасддан уйдан қочиб, қўшни уйнинг томида спиртли ичимликларга ружу қўйган ота-онасидан яширинишар экан. Бу борада қўшниларнинг фикрлари ўрганилган.

Таъкидланишича, ҳозирги вақтда ота-оналик ҳуқуқини чеклаш масаласини ҳал қилиш ҳақида ҳужжатлар тўплами тайёрланмоқда.

“Болалар эса суд томонидан уларнинг тақдирлари бўйича қарор қабул қилингунча Тошкент шаҳар ИИББ Вояга етмаганларга ижтимоий-ҳуқуқий ёрдам марказига жойлаштирилдилар”, - дейилган хабарда.

Асосий мавзулар