ТОШКЕНТ, 7 апр — Sputnik. 6-апрель куни Ўзбекистон фуқароси Р.Х. коронавирус инфекциясини юқтириб олиш натижасида маҳаллий клиникада вафот этди. Бу ҳақда ТИВ Ўзбекистоннинг Нью-Йорк шаҳридаги бош консулхонаси маълумотларига таянган ҳолда хабар қилди.
22-март куни 1969-йилда туғилган фуқарода куникасалликнинг биринчи аломатлари қайд этилган эди. Унинг соғлиғи кескин ёмонлашиши муносабати билан 2-апрель куни у касалхонага ётқизилиб, ўпканинг сунъий нафас олиш аппаратига уланган ва сунъий комага туширилган.
Ушбу даврда бош консулхона унинг қариндошлари билан доимий алоқада бўлиб турди.
Ҳозирги пайтда бош консулхона диаспорал ташкилотлари раҳбарлари ва фаоллари билан биргаликда унинг дафн маросими билан боғлиқ ташкилий масалаларни ҳал қилмоқда.
Эслатиб ўтамиз, аввалроқ Нью-Йоркда икки ўзбекистонлик COVID-19 дан вафот этгани хабар қилинган эди.
