Бойсун ва Олтинсойда сел келди: маҳаллий аҳоли эвакуация қилинди

© Пресс-служба МЧСВ Сурхандарьинской области наводнение: эвакуировано 900 человек
В Сурхандарьинской области наводнение: эвакуировано 900 человек - Sputnik Ўзбекистон
Oбуна бўлиш
Кучли ёмғир ёғиши натижасида Олтинсой тумани ҳудудидан оқиб ўтувчи Олтинсой сойининг сув ҳажми сезиларли даражада ошган. Ушбу ҳудудда истиқомат қилаётган 900 нафар фуқаро хавфсиз ҳудудга вақтинча кўчирилди.

ТОШКЕНТ, 14 май — Sputnik. Сурхондарё вилоятининг Бойсун ва Олтинсой туманида сел келди.

Фавқулодда вазиятлар вазирлиги хабарига кўра, 13 май куни кучли ёмғир ёғиши натижасида Олтинсой тумани ҳудудидан оқиб ўтувчи Олтинсой сойининг сув ҳажми сезиларли даражада ошган.

Сув тошқини юзага келиши мумкинлиги сабабли унинг олдини олиш мақсадида ушбу ҳудудда истиқомат қилаётган 900 нафар фуқаро хавфсиз ҳудудга вақтинча кўчирилди.

Бундан ташқари, шу куни Бойсун туманидаги Пасурхи маҳалласига Бойсун тоғ тизмасига сурункали ёмғир ёғиши натижасида Ойбарак сойи орқали сел келган.

Шунингдек, туманнинг Ҳунармандлар маҳалласидан оқиб ўтувчи Авлод сойи орқали сел келиши оқибатида Авлод ҳамда Сариосиё қишлоқларини боғлаб турувчи кўприкни сув босганлиги туфайли автомобилларнинг ҳаракатланиши вақтинча тўхтатилган.

© Пресс-служба МЧСВ Сурхандарьинской области наводнение: эвакуировано 900 человек
Бойсун ва Олтинсойда сел келди: маҳаллий аҳоли эвакуация қилинди - Sputnik Ўзбекистон
В Сурхандарьинской области наводнение: эвакуировано 900 человек

Вазият вилоят Фавқулодда вазиятлар бошқармаси томонидан тўлиқ назоратга олинган. Айни дамда бошқарма қутқарувчилари ҳамда ФВДТнинг 150 дан ортиқ ходими, шунингдек, 20 га яқин техника ёрдамида сел оқибатларини бартараф этиш ишлари олиб борилмоқда.

Сел оқибатида жабрланган ва ҳалок бўлганлар тўғрисида маълумот келиб тушмаган.

Эслатиб ўтамиз, аввалроқ Навоий вилояти Зарафшон шаҳрида кучли ёғингарчилик сабабли сел келгани хабар қилинган эди.

Янгиликлар лентаси
0