ТОШКЕНТ, 24 июн - Sputnik. Шаҳрисабз Давлат музей-қўриқхонаси бош директорига нисбатан жиноят иши қўзғатилди, деб хабар бермоқда Бош прокуратура матбуот-хизмати.
Хабарга кўра, Бош прокуратура ҳузуридаги Департаментнинг Шаҳрисабз шаҳар бўлими томонидан ўтказилган терговга қадар текширувида, Шаҳрисабз Давлат музей-қўриқхонаси бош директори Н.Х. 62,9 млн сўм ҳажмдаги бюджет маблағларини ўзлаштирганлиги аниқланган.
Маълум бўлишича, у бу пулларни музей-қўриқхонада ҳақиқатда ишламаган турмуш ўртоғи Д.В. ва 4 нафар фуқароларга сохта ҳужжатлар асосида иш ҳақи ҳисоблаб, талон-тарож қилган.
Мазкур ҳолат юзасидан Н.Х.га нисбатан Жиноят кодексининг 167-моддаси 2-қисми “г” банди ва 209-моддаси 1-қисми билан жиноят иши қўзғатилиб, тергов ҳаракатлари ўтказилмоқда.
