Қибрайда уйида каннабис етиштираётган муқаддам судланган пенсионер қўлга олинди

© Sputnik / Олег Ласточкин / Медиабанкка ўтишИзъятие марихуаны
Изъятие марихуаны - Sputnik Ўзбекистон
Oбуна бўлиш
Илгари гиёҳвандлик моддалари етиштириш учун 11 йил қамалиб чиққан 70 ёшли фуқаронинг уйидан 6 кг марихуана ва 26 туп каннабис мусодара қилинди.

ТОШКЕНТ, 6 сен — Sputnik. Тошкент вилояти Қибрай туманида дала ҳовлисида кўп миқдорда каннабис ўсимлиги етиштириб, уйида марихуана сақлаб келаётган шахс қўлга олинди. Бу ҳақда вилоят ИИББ матбуот хизмати хабар қилди.

Ушбу тадбир ИИББ ЖҚБ Уюшган жиноятчиликка ва қурол билан қонунга хилоф равишда муомала қилишга қарши курашиш бўлинмаси ходимлари томонидан ўтказилган.

Мероприятие по уничтожению наркотических средств  - Sputnik Ўзбекистон
Тошкент вилоятида марихуана қовураётган шахслар ушланди

Таъкидланишича, 2011 йил­да тақиқланган экинлар, яъни, гиёҳвандлик моддалари етиштириш ва ўтказиш билан шуғуллангани учун 11 йилга озодликдан маҳрум қилиниб, бугунги кунда озодликда бўлган 70 ёшли нафақахўр Б.Д. дала ҳовлисидаги иссиқхонасида жами 26 туп каннабис (таркибида гиёҳванд моддаси бўлган) ўсимлигини парвариш қилиб келаётганлиги аниқланган.

Шунингдек, унинг хонадонида 6 кг марихуана гиёҳвандлик моддаси сақланаётганлиги аниқланиб, далилий ашё сифатида олинган.

Мазкур ҳолат юзасидан ушланган шахсга нисбатан Жиноят кодексининг 270-моддаси ҳамда 276-моддаси 2-қисми билан жиноят иши қўзғатилган.

Тергов ҳаракатлари олиб борилмоқда.

Янгиликлар лентаси
0