“Korean and migration xususiy bandlik agentligi” мансабдорлари узоқ муддатга қамалди

© Sputnik / Евгений Биятов / Медиабанкка ўтишРуки в наручниках
Руки в наручниках - Sputnik Ўзбекистон
Oбуна бўлиш
Яккасарой туман суди фуқароларни катта пулга чув туширган “Korean and migration xususiy bandlik agentligi” мансабдорлари устидан ҳукм чиқарди.

ТОШКЕНТ, 14 сен — Sputnik. Жиноят ишлари бўйича Яккасарой туман судида “Korean and migration xususiy bandlik agentligi” мансабдорларига суд ҳукми эълон қилинди. Бу ҳақда Олий суд матбуот хизмати хабар қилмоқда.

Суд ҳукмига кўра:

Korean and migrations” xususiy bandlik agentligi” МЧЖ директори Қаҳрамон Отақулов узил-кесил 9 йил;

Агентликнинг Наманган вилоят филиали директори Одил Кабилов узил-кесил 9 йил;

Агентлик таъсисчиси Хушвақт Турдиев 8 йил 3 ой;

Агентликнинг ўқув ишлари бўлими директори Мусурмон Алиқулов 8 йил 3 ой;

Молоток судьи - Sputnik Ўзбекистон
Тошкентда 2300 дан зиёд кишини чув туширган агентлик қаллоблари устидан суд бошланди

Агентликнинг Наманган вилоят филиали иш юритувчиси Анваржон Шамшиддиновга 8 йил 3 ой;

Агентликнинг Наманган вилоят филиали ғазначиси Орифжон Жўраев 8 йил 3 ой;

Агентликнинг ҳамкори Канг Нам Кюга 8 йил 6 ой;

Воситачи Жолол Хидировга 6 йил;

Воситачи Фурқат Камалов 6 йил 6 ой муддатга озодликдан маҳрум қилинди. Тайинланган жазони умумий тартибли колонияларда ўташ белгиланди.

Маҳкумлар 3 йил муддатга мансабдорлик ва моддий жавобгарлик лавозимларда ишлаш ҳуқуқидан маҳрум қилинган.

Шунингдек, агентликнинг ҳисобчиси Мавлуда Отажоновага 5 йил 9 ой 21 кун, агентликнинг кадрлар бўлими инспектори Раъно Нуралиевага 6 йил 1 ой, МЧЖ агенти Ирода Джабборовага 6 йил 1 ой муддатга озодликдан маҳрум қилиш жазоси тайинланди ҳамда тайинланган жазо шартли ҳисобланиб, 3 йил синов муддати белгиланди.

Судланувчилар Ўзбекистон ЖКнинг 168-моддаси (фирибгарлик), 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) ва 243-моддаси (жиноий фаолиятдан олинган даромадларни легаллаштириш) ва бошқа моддаларда назарда тутилган жиноятларни содир этганликда айбдор деб топилган.

Судланувчилардан жабрланувчиларга етказилган моддий зарар ундириш белгиланди.

Янгиликлар лентаси
0