Самарқандда бутун бир оила ва усталар товуқ гўштидан заҳарланди

© Sputnik / Евгений Биятов / Медиабанкка ўтишПрилавок с мясом птицы. Архивное фото
Прилавок с мясом птицы. Архивное фото - Sputnik Ўзбекистон
Oбуна бўлиш
Бир оиланинг 10 нафар аъзоси ва шу хонадонда қурилиш ишларини олиб бораётган 5 нафар усталар товуқ гўштидан заҳарланди.

ТОШКЕНТ, 8 окт — Sputnik. Самарқанд вилоятида товуқ гўштидан кабоб истеъмол қилган 15 нафар шахс заҳарланди. Бу ҳақда ИИВ Бирлашган таҳририяти маълум қилди.

В больнице - Sputnik Ўзбекистон
Қашқадарёда 65 киши ёппасига овқатдан заҳарланди

5 октябрь куни Республика шошилинч тез ёрдам илмий марказининг Самарқанд вилояти филиалига 15 нафар шахс “метгемоглобин ҳосил қилувчи бирикмалардан заҳарланиш” ташхиси билан мурожаат қилган.

Маълум бўлишича, шу куни соат 05:30 ларда Самарқанд шаҳрида яшовчи, 33 ёшли О. Т. хонадонида уй шароитида товуқ гўштидан кабоб таомини тайёрлаган. Шу таомдан ўзи билан бирга яшовчи 10 нафар оила аъзолари: турмуш ўртоғи, фарзандлари, онаси, келинойиси, жиянлари ва шу хонадонда қурилиш ишларини олиб бораётган 5 нафар усталар истеъмол қилишган. Бироздан сўнг ўзларини ёмон ҳис қилишгач, тез ёрдамга қўнғироқ қилишган.

Уларга тиббий ёрдам кўрсатилиб, даволаш ишлари олиб борилган. Ҳозирда тегишли соҳа ходимлари томонидан ҳолат юзасидан суриштирув ишлари олиб борилмоқда.

Янгиликлар лентаси
0