Уйларни “ҳоким қарори” билан 100 минг долларга сотаётган жиноий гуруҳ қўлга олинди

© Sputnik / Евгений Биятов / Медиабанкка ўтишЗадержание подозреваемых в совершении преступления
Задержание подозреваемых в совершении преступления - Sputnik Ўзбекистон, 1920, 22.02.2021
Oбуна бўлиш
Тошкент вилоятида ҳоким қарорини сохталаштириб, 3 та ҳовлини сотмоқчи бўлган жиноий тўда ушланди. Улар орасида муқаддам судланганлар ҳам бор.
ТОШКЕНТ, 22 фев — Sputnik. Тошкент вилоятида ҳоким қарорини сохталаштириб, аслида йўқ бўлган уйларни 100 минг долларга сотмоқчи бўлган бир гуруҳ шахслар қўлга олинди. Бу ҳақда вилоят ИИБ матбуот хизмати хабар қилди.
Маълум қилинишича, жорий йил 17 февраль куни Тошкент вилояти ИИББга Тошкент шаҳрида яшовчи фуқаро Р.Т. ариза билан мурожаат қилган.
У мурожаатида “Дилнура”, “Нодира” ва “Азиз” исмли шахслар Нурафшон шаҳрида жойлашган (аслида ҳеч қаерда рўйхатда бўлмаган) 3 та ҳовлини кадастр ҳужжатларини қалбакилаштириб, 100 минг долларга сотмоқчи бўлаётганини маълум қилган.  Ушбу шахсларга нисбатан қонуний чора кўришни сўраган.
Наручники на двери клетки - Sputnik Ўзбекистон, 1920, 09.02.2021
Гурланда ер майдонини 50 минг долларга пулламоқчи бўлган фирибгар қўлга олинди
19 февраль куни Тошкент вилояти ИИББ Уюшган жиноятчиликка қарши курашиш бўлими ходимлари ва соҳавий хизмат ходимлари ҳамкорлигида тезкор тадбир ўтказилган.
Унда Нурафшон шаҳрида яшовчи 1980 йилда туғилган Дилнура А. (ҳозирда фирибгарлик, ва пора бериш жиноятлари билан тергов остида бўлган), танишлари 1997 йилда туғилган Азиз Ғ. (2019 йилда фирибгарлик жинояти билан судланган), ва 1997 йилда туғилган Нодира И.лар ариза муаллифидан талаб қилинган пулларнинг 30 минг долларини олаётган вақтида қўлга олинган.
Ушланган шахслардан 30 минг доллар нақд пул, Нодира И. ва Гулнора А. номига расмийлаштирилган Нурафшон шаҳар Наврўз МФЙда жойлашган 18-А ва 18-Б рақамли ва Дилнура А. номига расмийлаштирилган “Истиқлол” МФЙда жойлашган 10 рақамли уйларнинг қалбакилаштирилган (ҳоким қарор ва бошқалар) кадастр ҳужжатлари холислар иштирокида далилий ашё сифатида расмийлаштирилиб олинган.
Ҳозирда қўшимча суруштирув ишлари олиб борилмоқда.
Янгиликлар лентаси
0