Ўзбекистон Россиядаги меҳнат мигрантлари учун шароитлар яратишга рози

© Sputnik / Александр Гальперин / Медиабанкка ўтишМигранты
Мигранты - Sputnik Ўзбекистон
Oбуна бўлиш
Ўзбекистон Миграция масалалари бўйича агентликда пандемия вақтида Россиядаги мигрантларни қўллаб-қувватлаш чоралари ҳақида маълумот берди

ТОШКЕНТ, 4 авг — Sputnik. Ўзбекистон меҳнат мигрантларига қулай шарт-шароитлар яратиш учун Россия билан ҳамкорлик қилишга тайёр, деди Россия Федерациясидаги республиканинг ташқи меҳнат миграцияси масалалари бўйича агентлик ваколатхона раҳбари Саиднумон Мансуров.

Заседание Сената Олий Мажлиса - Sputnik Ўзбекистон
Миграция, таълим ва ишсизлик масалалари: Олий Мажлис Сенати навбатдаги мажлисни чақиради

"Ўзбекистон қулай иш шароитларини яратиш, энг муҳими Россия ҳудудида ватандошларнинг қонуний бўлиб туриши учун биргаликдаги ҳамкорликка тайёр", - деди Мансуров.

Унинг айтишича, Агентлик Россия ИИВ билан биргаликда ўзбекистонлик меҳнат мигрантлари орасида қонунларга риоя қилиниши бўйича тушунтириш бўйича мунтазам равишда тадбирлар ўтказади.

"Шу ўринда бизнинг ИИВ Миграция масалалари бўйича бош бошқармаси раҳбарияти билан яхши йўлга қўйилган алоқаларимизни таъкидлаш муҳим", - дея аниқлик киритди Мансуров.

Агентлик вакилининг таъкидлашича, Ўзбекистон фуқаролари Россиядаги бўш иш ўринлари тўғрисида кунлик янгиланадиган маълумотлар базасидан фойдаланишлари мумкин.

Драка - Sputnik Ўзбекистон
Екатеринбургда мигрантлар ўртасида оммавий муштлашув юз берди

"Натижа сифатида, пандемия пайтида ишидан айрилганларнинг кўплари чекловлар олиб ташланганидан кейин аллақачон янги иш жойларини топганлигини айтиш мумкин", деди у.

Мансуровнинг сўзларига кўра, пандемия вақтида Ўзбекистон томони бошпанасиз қолган меҳнат мигрантларига хостелларда яшаш учун имконият яратди. Бундан ташқари, ватандошларга тезкор молиявий ёрдам кўрсатиш учун birgamiz.com онлайн-платформаси яратилган.

"Энг асосийси - деярли барча фуқароларимиз Россияга ишлаш учун келганликларини ва можарога бундай ўрин йўқлигини тушунадилар", - деган у.

Расмий маълумотларга кўра, айни пайтда 2 миллионга яқин киши ишлаш учун Ўзбекистондан ташқарига чиқиб кетган, улардан 1,5 миллионга яқини Россияда меҳнат қилади.

Янгиликлар лентаси
0