Консерваланган палов Германия ва Швейцария бозорларига экспорт қилинади

© Sputnik / СтрингерКонсерваланган Тошкент палови
Консерваланган Тошкент палови - Sputnik Ўзбекистон
Oбуна бўлиш
Айни вақтда хорижий мамлакатлар билан ушбу маҳсулот турини импорт қилиш учун Европа Иттифоқи қонунчилигига мувофиқ талаб этиладиган сертификатни олиш борасида музокаралар олиб борилмоқда

ТОШКЕНТ, 22 июн — Sputnik. Цюрих шаҳрида Ўзбекистон ва Швейцария ишбилармон доиралари ўртасида ўтказилган бизнес-форумда Ўзбекистондан консерваланган паловни импорт қилиш масаласида музокаралар олиб борилди, деб хабар қилди "Жаҳон" АА.

Консервированный ташкентский плов - Sputnik Ўзбекистон
Ўзбекистон Қозоғистонга консерваланган палов экспорт қилади
"Айни пайтда Кичик бизнес ва хусусий тадбиркорлик субъектлари экспортини қўллаб-қувватлаш жамғармаси мамлакатимизнинг Германия Федератив Республикасидаги элчихонаси билан ҳамкорликда консерваланган паловни Германия ва Швейцария бозорларига экспорт қилишни ташкил этиш масаласини кўриб чиқмоқда", дейилган хабарда.

Қайд этилишича, хорижий мамлакатлар билан ушбу маҳсулот турини импорт қилиш учун Европа Иттифоқи қонунчилигига мувофиқ талаб этиладиган сертификатни олиш борасида музокаралар олиб борилмоқда.

Бизнес-форум доирасида эришилган келишувга мувофиқ, Швейцария ва Европа Иттифоқи давлатларидаги импорт қилувчи корхоналар, йирик савдо тармоқлари ва ритейл-компаниялар, тадбиркорлар уюшмалари, бирлашмалари ва бошқа ҳамкор ташкилотлар билан ҳамкорлик ўрнатиш, уни янада фаоллаштириш, хусусан, ушбу мамлакатлар бозорида Ўзбекистон кичик бизнес ва хусусий тадбиркорлик субъектлари маҳсулотларини экспортга етказиб беришни йўлга қўйиш, ўзбекистонлик тадбиркорларнинг йирик кўргазма ва ярмаркаларда иштирок этиши, қўшма тадбирлар ўтказиш, зарур лицензия ва сертификатлар олиш ишларини ташкил этиш кўзда тутилган.

Янгиликлар лентаси
0