2018 йил учун Давлат дастури 5 январгача ишлаб чиқилади

© Sputnik / Михаил ПалинчакПодпись документов
Подпись документов - Sputnik Ўзбекистон
Oбуна бўлиш
15 январгача бўлган даврда ушбу лойиҳа жамоатчилик муҳокамаси учун, шу жумладан, Интернетда жойлаштирилади

ТОШКЕНТ, 2 янв — Sputnik. Ўзбекистон президентининг 28 декабрдаги фармойиши билан "Фаол тадбиркорлик, инновацион ғоялар ва технологияларни қўллаб-қувватлаш йили» йилида Ҳаракатлар стратегиясини амалга ошириш бўйича Давлат дастури лойиҳасини тайёрлаш бўйича Йиғма ишчи гуруҳ ташкил этилди.

Президент Узбекистана Шавкат Мирзиёев - Sputnik Ўзбекистон
Шавкат Мирзиёев янги - 2018 йил номини эълон қилди
2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси 5 босқичда амалга оширилиб, уларнинг ҳар бири эълон қилинган йил номига биноан ҳар йили алоҳида Давлат дастури тасдиқланишини кўзда тутади.

Президентнинг Давлат маслаҳатчиси раҳбарлигида ташкил этилган гуруҳ таркибига вазирликлар, идоралар, ҳуқуқни муҳофаза қилувчи органлар, Олий Мажлис, Президент девони вакиллари ва бошқалар киради.

Йиғма ишчи гуруҳга келгуси йил учун давлат дастури лойиҳасини 2018 йил 5 январгача тайёрлаш топширилди.

15 январгача бўлган даврда лойиҳа жамоатчилик муҳокамаси учун, шу жумладан Интернетда жойлаштирилади.

Янгиликлар лентаси
0