Ҳарбийларнинг фарзандларига қандай имтиёзлар берилди?

© Sputnik / Рамиз БахтияровВоеннослужащие ВС РУз
Военнослужащие ВС РУз - Sputnik Ўзбекистон
Oбуна бўлиш
Вазирлар Маҳкамаси Ўзбекистон президенти томонидан қабул қилинган "Ўзбекистон Республикаси Қуролли Кучлари ҳарбий хизматчилари ва уларнинг оила аъзоларини ижтимоий қўллаб-қувватлашга оид қўшимча чора-тадбирлар тўғрисида"ги қарорининг Низомини тасдиқлади

ТОШКЕНТ, 26 июн — Sputnik. Ҳарбий хизматчиларнинг фарзандларини квота асосида ўқишга кириши учун тавсияномалар бериш тартиби тўғрисидаги низом тасдиқланди, деб хабар қилди Sputnik Ўзбекистон мухбирига Мудофаа вазирлиги матбуот-хизмати.

Торжественное мероприятие посвященной возвращению домой. Ташкентский военный округ, город Чирчик - Sputnik Ўзбекистон
Ўзбекистон ҳарбий хизматчиларига имтиёзли автокредит берилади
Вазирлар Маҳкамаси Ўзбекистон президенти Шавкат Мирзиёев томонидан 2018 йил 14 июнда қабул қилинган "Ўзбекистон Республикаси Қуролли Кучлари ҳарбий хизматчилари ва уларнинг оила аъзоларини ижтимоий қўллаб-қувватлашга оид қўшимча чора-тадбирлар тўғрисида"ги қарорининг Низомини тасдиқлади.

Унга асосан тавсияномалар қуйидаги ҳарбий хизматчиларга берилади:

— Мамлакат мудофаа қудратини мустаҳкамлашга муносиб ҳисса қўшган, жанговар-хизматда ва илмий фаолиятда муайян натижаларга эришган Ўзбекистон Республикаси Қуролли Кучлари таркибига кирувчи вазирликлар (идоралар)нинг ҳақиқий хизматни ўтаётган офицерларига, сержантлар ва оддий аскарлар таркибига мансуб бўлган контракт бўйича ҳарбий хизматчиларга — бевосита командирлари (бошлиқлари) тавсияномасига асосан улар фарзандларининг олий таълим муассасаларига ўқишга кириши учун;

— Ҳарбий хизмат вазифаларини бажариш чоғида ҳалок бўлган ҳамда ҳарбий хизмат вазифаларини бажариш чоғида ярадорлик, контузия, шикастланиш ёки касалликлар оқибатида ногирон бўлиб қолган Ўзбекистон Республикаси Қуролли Кучлари таркибига кирувчи вазирликлар ва идораларнинг офицерлари, сержантлар ва оддий аскарлар таркибига мансуб бўлган контракт бўйича ҳарбий хизматчилари фарзандларига берилади.

Военные учения в Андижане - Sputnik Ўзбекистон
Андижондаги ҳарбий қисм хизматчилари оммавий қирғин қуроли ҳужумини "қайтардилар"
Тавсияномалар бланкаларини тайёрлаш вазирликлар ва идоралар томонидан Давлат бюджети параметрларида ҳар йили ушбу вазирликлар ва идоралар учун назарда тутиладиган маблағлар ҳисобига "Давлат белгиси" давлат-ишлаб чиқариш бирлашмасида амалга оширилади.

Тавсияномаларни бериш масаласини кўриб чиқиш учун Ўзбекистон Республикаси Қуролли Кучлари таркибига кирувчи вазирликларда вазирлик раҳбарининг тегишли масалалар бўйича ўринбосари раислигида комиссия тузилади.

Камида беш нафар раҳбар ходимлар ва ваколатли мутахассислардан иборат бўлган комиссия Ўзбекистон Республикаси Қуролли Кучлари таркибига кирувчи вазирлик (идора) раҳбарининг буйруғи билан тасдиқланади.

Янгиликлар лентаси
0