20:08 21 Июл 2019
Эфир
  • RUB136.34
  • EUR9673.87
  • USD8584.50
В ходе поездки в Наманганскую область президентский кортеж незапланированно остановился рядом с дехканским рынком Туракурганского района

Наманганликлар ҳаяжонда: Мирзиёев кортежни тўхтатиб, халқ ичига кириб борди

© Пресс-служба президента Узбекистана.
Янгиликлар
Ҳавола олиш
136610

Ижтимоий тармоқларда Наманган аҳолиси ўз президенти - Шавкат Мирзиёевни катта ҳаяжон ила қарши олганликлари акс эттирилган кўпсонли видеолар тарқалиб кетди

ТОШКЕНТ, 28 фев - Sputnik. Наманган вилоятига ташриф чоғида президент кортежи кутилмаганда Тўрақўрғон тумани деҳқон бозори ёнида тўхтади. Давлат раҳбари халқ ичига кириб бориб, одамлар билан самимий мулоқот қилди. 

Шавкат Мирзиёев мамлакатимиз иқтисодиётини барқарор қилиш, аҳоли турмуш даражасини ошириш йўлидаги ислоҳотлар халқ билан бамаслаҳат давом эттирилишини таъкидлади. Жумладан, Наманган вилоятининг ҳар бир туманига катта миқдорда инвестициялар киритиш, янги корхоналар, санаторийлар, мактаблар қуриш, ишчи жойлар яратиш бўйича улкан лойиҳалар бошланганини айтиб ўтди. 

Одамлар Президентимиз ташрифидан бениҳоя хурсанд бўлиб, ислоҳотлар натижалари ҳар бир соҳада сезилаётганини билдирди. Наманган вилояти, умуман, мамлакатимиз ҳаётида рўй бераётган ўзгаришлар учун давлатимиз раҳбарига миннатдорлик изҳор этди.

Таъкидлаш керакки, халқ билан мулоқот қилиш, ҳамиша халқ билан бирга бўлиш Шавкат Мирзиёевнинг ўзига хос имижи.  Президент ҳар бир ҳудудга, жумладан, 2017 йилда Тўрақўрғон туманига ташрифи чоғида ҳам одамлар билан мулоқот қилган.

Асосий мавзулар