2021 йил Самарқандда турли давлатларнинг моҳир винопазлари тўпланадилар

© Sputnik / Сергей Мальгавко / Медиабанкка ўтишДегустация вин
Дегустация вин - Sputnik Ўзбекистон
Oбуна бўлиш
Ушбу конгресснинг Самарқанд шаҳрида ўтказилиши туризмнинг MICE туризм, вино туризми, гастрономик туризм сингари йўналишларини ривожлантиришга катта туртки беради ҳамда Ўзбекистон обрўйини халқаро саҳнада янада оширишга хизмат қилади

ТОШКЕНТ, 14 мар - Sputnik. 2021 йилда Самарқанд шаҳрида узумчилик ва винопазлик бўйича 44-Халқаро конгресс ўтказилиши мумкин, деб хабар қилди Самарқанд ҳокимлиги матбуот-хизмати.

Визит патриарха Кирилла в Узбекистан - Sputnik Ўзбекистон
Патриарх Кириллга Самарқандда махсус вино совға қилишди

Самарқанд вилояти ҳокимлигида Узумчилик ва виночилик халқаро ташкилоти (International Organization of Vine and Wine) бош директори Пау Рок жаноблари билан учрашув ўтказилди. Учрашувда узумчилик ва виночиликни ривожлантириш агентлиги вакиллари ҳам иштирок этдилар.

Учрашувдан мақсад 2021 йилда Самарқандда узумчилик ва винопазлик бўйича 44-халқаро конгрессни ўтказиш масаласи муҳокама қилиш эди, дейилади хабарда.

Муҳокамалар якунида жаноб Пау Самарқандни халқаро узумчилик ва виночилик ташкилоти аъзолигига илгари суриш масаласи билан шуғулланишини маълум қилган.

Ушбу конгресснинг Самарқанд шаҳрида ўтказилиши туризмнинг MICE туризм, вино туризми, гастрономик туризм сингари йўналишларини ривожлантиришга катта туртки беради ҳамда шаҳарнинг, ҳамда Ўзбекистоннинг обрўйини халқаро саҳнада янада оширишга хизмат қилади. Бу мамлакатга янада кўпроқ туристларни жалб қилишга хизмат қилади, дейилади хабарда.

Янгиликлар лентаси
0